فالح الغنامي وعبدالله الميزاني و السبب ( صقر سليم )

[ابو فايح]

سلمت يا ابن حامد ولاهي غريبه على شرواك

[تركي الصفياني]

هههههههههههههه

ابو فاااايح لله درك

ويالربع خلاص ارحمو البقمي ماعاد اله وجه
بعد مارد بنفسه على نفسه

شكرا على الطرح

تحيتي

[سلطان البقمي]

المشاركة الأصلية كتبت بواسطة العفريت

خخخخخخخخخخخخ

يارجال طرح نفسه بنفسه


ليه كذا يابقمي ياخساره احسب عندك معرفه

على العموم انا محايد بين الطرفين

صقر ماله حق يرحب في محل مطير في وجود شعرائهم مهما كان الا اذا قدموه

مثل محمد بن تويم يوم يقول

هلا يامرحبا باللي لفا في حله الاشراف تراحيب كما ذوب العسل من عند نحالي

انا مامور يقلون اعلن الترحيب فاول قاف بخفه دم وبنفس سوات السكر الحالي

طبعا بن تويم يعرف انه ماهو من حقه يرحب في محل ماهو محله بدون تكليف مع انه من شبابه

والاشراف وهذيل خنادف

وو ضح ذلك بانه يرحب بناءً على تكليف من اهل الحفل حتى لا تؤخذ ضده

انا لا اؤقيم العمالقه ولا الزمن الجميل

ولكن اورد امثله فقط

تحياتي



يابقمي خطواتك محسوبه حاسب على نفسك ولا تتكلم بغير قناعاتك وتضيع مشيتك

اتمنى تعتذر عن بعض الكلام اللي تخوض فيه

البقمي هو اللي خلاك تفتح عيونك وتعرف الصواب وتجيب امثله ولا كان في عمياكم للحين لكن الحقيقه ابي اقولها ولا علي الا من ربي



اللي ياخذها يبي ياخذها بقناعه واللي مايعرف بكيفه واللي يعرف ويخفي


الحق الله يدبر فيه مايشا


كنت اعتقد انني ابي اخدم ناس في نقاشي وصار العكس الناس ماتقبل

مني شي حتى لو يعرفون الحقيقه لاكن استروو ما حصل مني وطلبكم


السموحه وتراكم مسامحين جميعاً مني إلا يوم الحساب




تحياتي لعتيبه اهل الحق والعلم الغانم الرجال اللي نعرفها

[فهد علي العازمي]

المشاركة الأصلية كتبت بواسطة ابو فايح

الأخ فهد عزيز وغالي


ممكن تذكر من كان فالمحاوره من الشعراء غير المذكورين !!!


لأن تفاصيل الملعبه كلها عندي !!!

وثاني شي المكتب كاتب فالقصيم وليس مهم مكان الحفل المهم ما صار .


وبالنسبه لباقي كلامك

الخطأ سنعلق عليه لو تكرر ذلك مئة مره حتى ينتهي من يعجبه ذلك أهلا وسهلا ومن لا يعجبه ليس مجبور على الدخول للموضوع

اذا كان يسكت عن الخطأ غيره لن يسكت !!!

وأقرب مثال موضوع حفلة مرهب وخروج الهاجري والسمي عن النص علقت عليه ولم أجامل أحد أو أسكت عن الموضوع !!!


وبعدين وش معنى الميزاني يحصل منه كل ذلك ليش ما فعلوها بقية الشعراء !!!


ليش ما تقصدت ألا هو من شعراء مطير كما يخيل لك اين العزيزي وتركي والقعياني وغيرهم !!!

ومن يقرأ ما أطرح بأفكار تعشعش في رأسه فلست مجبرا على إزالة ذلك

ارحب يا ابو فاااايــــــح

وتشكر على تقبلك جميع وجهات النظـــــر

المحاورة يا ابو فايح لها أكثر من خمس سنوات أنا شخصيا حاضرها في الروضة بالرياض
والشعار نسيتهم من الصبحية طال عمرك
بس أذكر الميموني رحمه الله جابو له طاروق شقر في نص الحفلة وكانت بيوته غير موزونه والشقر لا يشقر صح يردد الكلمة بنفس معناها وإذا كان الشريط عندك أبحث عن محاورة الشقر وتلقى كلامي صح والا خطاء

أما بالنسبة للأخطاء والتعليق عليها فمن حقك بدون إساءه وحسن صياغة ولو تبحث عن شعراء غيره لوجدت العجب العجاب
وعلى سبيل المثال تجاوزات منقره والعمى ليش أغفلتها ولم تتطرق لها مع العلم أنها الفاظ بذيئة قذرة لايقبلها عقل ولا منطق ولادين
وأنا لا أطال بالتشهير بهم أيضا حتى لاينطبق علي المثل القائل
لاتنهى عن خلق وتأتي مثله ** عار عليك إن فعلت عظيم
ولكن يطرح بصيغة نقد وتلميح للأشخاص بأسلوبي إحترافي حتى يتقبّله الجميع

أما مسألة أن من يخالفك الرأي يصبح معشعش فهذة تحسب عليك
وعلى رأي فرعون ((لا أريكم إلا ما أرى ))


سلمت لنا

[سلطان ابن حامد]

عبدالله الميزاني

وألا يا فالح اللي جيت متعني وراك علوم = وراك علوم وقبور العرب تحمل نصايبها
لقيت اربع طعش منكم تبيع ولا تعرف تسوم = وأثر بعض اللحى ما شيبها ألا من شواربها

فالح الغنامي

علوم الطيب ما تهضم حقوق القوم عند القوم = لكن الله يستر يابن غازي لا تخربها
لقيت أربع طعش منكم يبيعون البصل والثوم = تراها سلعة(ن) خسران سا يمها وجالبها

عبدالله الميزاني

ليا لديت عينك للسماء طاحت عليك نجوم = سواهر قوم وألا قوم ما ضاعت مذاهبها
دخيلك لا تزاحم فالطريق الدولي المزحوم = على ما في عقول يمكنا نخاطبها

فالح الغنامي

ليا لديت عيني للسماء أدري إني قوي عزوم = لكن الشمس تضوي مشرق الدنيا ومغربها
يقولون العجايب سبع وأقول العجايب كوم = ترى دنياك هاذي يمكن إنك من عجايبها

عبدالله الميزاني

وألا يا كثر همي كل ما تملا الصدور هموم = وألا ليت البحور أمواجها تغرق مراكبها
وألا يا طير ياللي ما تطير ولا تعرف تحوم = وأثر بعض الطيور زقومها أطول من مخالبها

فالح الغنامي

من كبار الحساني حسنة المعطى على المحروم = ليا شان الزمن نزل عباة الخير وإقلبها
وألا يا طير كيف تطير في كبد السماء وتعوم = لكنك منت لاقي صيدة(ن) سهله تطير بها

عبدالله الميزاني

أنا أسمع لي ونين ولا ونين ألا من المحموم = متى تبرى من الحمه بعد ما الله بلاك بها

____________


بعيدا ً عن الشوشره

في الحقيقه طاروق رائع وتمكـّن من أبو نقاء واضح

أبدع ورب ّ الكعبه

التوقيع

توترتي هنيـّا : )

[ابو فايح]

الأخ فهد طال عمرك

أولا الحفله الموجوده عندي


ما فيها الميموني ولم يلعب ولا قاف فالشريط وغير مسجل فالحفل فالمكتب


يمكن غيرها



ثانيا حين تقول
(أما مسألة أن من يخالفك الرأي يصبح معشعش فهذة تحسب عليك
على رأي فرعون ((لا أريكم إلا ما أرى ))


أنا لا أقصد من يخالفني
أقصد من يقرأ ويفسر كلامي على ما يعتقده كأن يقول ترصد أو حقد أو رد على الغير كلامي واضح ومن يأوله لأشياء أخرى ربما أرد على البعض وأترك البعض لأني لا أستطيع أن أزيل بعض القناعات من بعض العقول .

[العفريت]

المشاركة الأصلية كتبت بواسطة سلطان البقمي

البقمي هو اللي خلاك تفتح عيونك وتعرف الصواب وتجيب امثله ولا كان في عمياكم للحين لكن الحقيقه ابي اقولها ولا علي الا من ربي



اللي ياخذها يبي ياخذها بقناعه واللي مايعرف بكيفه واللي يعرف ويخفي


الحق الله يدبر فيه مايشا


كنت اعتقد انني ابي اخدم ناس في نقاشي وصار العكس الناس ماتقبل

مني شي حتى لو يعرفون الحقيقه لاكن استروو ما حصل مني وطلبكم


السموحه وتراكم مسامحين جميعاً مني إلا يوم الحساب




تحياتي لعتيبه اهل الحق والعلم الغانم الرجال اللي نعرفها

احترم ابو فايح والاخوان ولا ابغى ارد عليك

لكن شوف كيف انت متناقض

يوم وضحت وجهت نظرك لاخوان رضيت واتضح انك حادر الوادي عودت عليه

المشكله اذا ناقشناك قلت لا ترجعون عليه وذلحين تعود علي شخصيا

يعني انت كلامك هو الحقيقه وكلام الاخوان تلفيق ولا اساس له من الصحه عيب يارجل يا اديب يامحلل المحاورات

يا راع المعرفه

ابوفايح تكفى لا تغلق الموضوع

آخر تعديل العفريت يوم 04-Jul-2011 في 12:24 AM.

[ابو فايح]

ابو حامد من المؤسف ألا تلتفت العقول لإبداع ابو نقا فالطاروق

سبك وحبك ونقض للأبيات بأسلوب كبير وكأني أقرأ لشاعر له فالملاعب باع طويل وليس شاعر شاب في بداياته

[فهد علي العازمي]

المشاركة الأصلية كتبت بواسطة ابو فايح

الأخ فهد طال عمرك

أولا الحفله الموجوده عندي


ما فيها الميموني ولم يلعب ولا قاف فالشريط وغير مسجل فالحفل فالمكتب


يمكن غيرها



ثانيا حين تقول
(أما مسألة أن من يخالفك الرأي يصبح معشعش فهذة تحسب عليك
على رأي فرعون ((لا أريكم إلا ما أرى ))


أنا لا أقصد من يخالفني
أقصد من يقرأ ويفسر كلامي على ما يعتقده كأن يقول ترصد أو حقد أو رد على الغير كلامي واضح ومن يأوله لأشياء أخرى ربما أرد على البعض وأترك البعض لأني لا أستطيع أن أزيل بعض القناعات من بعض العقول .

أجل الشريط اللي عندك منوعات طال عمرك
أو محذوفة المحاورة لإنها صراحة شي محرج للشاعر رحمة الله عليه

أما الشعراء منهم والله إني ناسيهم بس ملفي المورقي أظن أنه موجود

والحفلة أنا متأكد مليون في المية أنا في الرياض
وأنا حاضرها شخصيا

آخر تعديل فهد علي العازمي يوم 04-Jul-2011 في 12:29 AM.

[سلطان ابن حامد]

المشاركة الأصلية كتبت بواسطة فهد علي العازمي

أجل الشريط اللي عندك منوعات طال عمرك
أو محذوفة المحاورة لإنها صراحة شي محرج للشاعر رحمة الله عليه

أما الشعراء منهم والله إني ناسيهم بس ملفي المورقي أظن أنه موجود

فهد الله يمسيك بالخير

كان تقصد اللي قاعة سمر على طريق جابر وجاء فيها شقر

فيها فالح وصقر وسفر والميزاني وشاعر مطيري ثاني مدري لو انه الميموني الله يرحمه

فـ ترى ما هي هذي

الا ان الكلام هذا كله جاء قبل احضرها لآنـّي جيت في نصها