اعذرك لو حطيت نفسي مكانك

[شجاع السواط]

غرق بحراً ......فغرقت شعراً

اعذرك لو حطيت نفسي مكانك = معذور ومسامح على كل مافات
من قلب شال هموم بقعا عشانك =ومن عين تستقبل وداعك بعبرات
ماينفعك صبرك ولا عنفوانك = في لحظة ٍ ماهي على بالك.. وجات
لو تشهر بسيفك وتطلق عنانك =هي رحلةٍ وصلت خطوط النهايات
هذا الزمان الصعب ماهو زمانك = ارتاح لا تكثر عـليه الـتـّنـهــــات
كانك تحب البحر والموج كانك = يجذبك شكله مير جوفه متاهات
واكبر دليل انك تحبه وخانك = في شرعه يجوز الغدر والخيانات
لوك تعده واحدٍ من اخوانك = مايعترف بالعـشــره وبالعــلاقـــات
ودي مثل ماصنته اليوم صانك = ولا وقف بينك وبين المــلـــذّات
أجرك على اللي بالصعيبات أعانك=أمره نفذ من فوق سبع السموات
لبسك تيجان الشهاده وزانك = وسخر لك كفوف الرضا بالدعاوات

شجاع السواط