رائد
يا سلام وليلة الجمعه هذي ليلة معاني = والمعاني فوق شوف العين وخطوط الرقابه
تالي الأيّام يالأصحاب يا مكثر إخواني = كلّ يوم يزيد واحد ماني بحاسب حسابه
مرزوق
مرحبا ترحيب من قلبي وينطق به لساني= ينطلق حسب العوايد فــ قحطان وفي عتابه
كثروا اخوانك واشوفك رغم كثرتهم تعاني = مير يالله تبعد ايام التعاسه والكأآبه
رائد
عادنا متحمّلينك يابن واحد وابن ثاني = في عوايدنا ما نرضى بين الاخوان الطلابه
وانت يالسادس هلابك وانت يالسابع جباني = في مجالسنا لا جانا الضيف قلنا مرحبا به
مرزوق
انت في داخلك خوف.. ان جتك رجفه ماتداني = كيف تزهمني وهالحينه حصل منك انقلابه
اكرب حزامك ولا تزهم فلان ولا فلاني = وان لفاك الضيف رحبّه ولا تجرح جنابه
رائد
احتزم باللي يجمّل يوم ضرب الجبّخاني = لا تجيني بالطفارى يا عتيبي والغلابه
ما يسدّ الا عيال العود لا جار الزّماني = دون نقص في خناذف يا رجال وفي شبابه
مرزوق
الزمن دوار ياقحطان والخافي يباني = وش يفيد السيف دام السيف مكسور ٍ نصابه
انت مر اتحطني صاحبك وتكي وزاني = وان زعلت اتروح وتكون على حربي عصابه
رائد
مجلسك شرّعت بيبانه لكنّ الحيل واني = لو يجيلك من يمينك صوت ضيّعت الخطابه
خل كلّ في مكانه .. ربع واخوان وعواني = لا تحسب انها تبي ترجع مثل عهد الصّحابه
مرزوق
[
لوفتحت احداق عينك زين وارخيت الاذاني = كان شفت اللي نشوف ولاحصل فيها غرابه
انت جوك القوم من وسط الحمى يالكيرعاني = واضحه وميّزه بالعين مافيها تشابه
رائد
ظبّط اوضاعك مع الشّيخان وابشر بالأماني = لا تقول اني ثقيل الوزن منهم غير آبه
لعنبوهم والله انّ اسوقهم بالخيزراني = تدري انّا فالملاقى يا فهيم اسود غابه
مرزوق
ماعلي اخلاف من ماعطاك خلاقي عطاني = واسود الايام زودني على الدنيا صلابه
مار خايف من طرفك العشر تاليها ثماني = ثم تغدي ياقحطاني في يد المجرم نهابه
« آخـــر الـــمـــشـــاركــــات »
21-May-2011, 02:02 AM
العرض العادي
