ديوان الشاعر الكبير بديوي الوقداني العتيبي رحمة الله

[ذيبان الهيلا]

4) – وقال بديوي في قصيدة أرسلها لشريف مكة وفيها يتبين ان الشاعر كان يتمتع بعلاقة قوية مع اشراف مكة وانه كان يتعامل معهم بعزة نفس وأنفة الشاعر الذي يعتز بأصله ندا بند ويبادله الافتخار يتبين ذلك من خلا ل هذا البيت:



وابدي لك البيضا عدد ريح الافواج
وتمشي ركاب المدح بينك وبينـي







ياراكب اللي ياخذ الحـزم مـواج
مـواج دار وتـاه فـي الغبتينـي
يوم استشد الريح ترميه الامـواج
أمـواج بحريضـرب الجالتينـي
ضاري على قطع الفيافي وسجـاج
سجاج بيـن الشـرق والنقرتينـي
محنوني كالقوس منعـاج منهـاج
مثل الهـلال اللـي ولـد ليلتينـي
والا كما سرحان مع فج الافجـاج
والا الغزال اللي رمـى مرتينـي
يجفل ليا ماشاف ظل العصا مـاج
راعيه مـا يقـدر يمـد اليدينـي
كوره عقيلي مشترينه من الحـاج
والميركـة والخـرج والغرتينـي
ضرب عليه اليا سجا الليل وانساج
وزارت مراسيل الكرى كل عينـي
خله مع الريعين والدرب مدهـاج
والسيل مره ما مضـى ساعتينـي
واحرم بعمره واقطع الدرب منهاج
منهاج من يمشي على الفرقدينـي
تصبح بمكة حزة الصبـح منبـاج
واسع وطف وصل لك ركعتينـي
وانص الملوك اللي لهم نور وهاج
نور من المشـرق الـى القبلتينـي
تلقى الوفود الهم كما وفـد حجـاج
يوم الثمان ومصعديـن القرينـي
سلم عليهم واخرج الهرج مخـراج
واعرف مقام الملك في الحالتينـي
واخرج لهم خط طوى طي ديبـاج
هديـة مـن باشـة المحمليـنـي
منظوم فيها ابيات من بحر عجـاج
نظم الجواهر في سلـوك اللجينـي
يا عون يا سيدي وصلت انت فراج
وانا تراني عند سيـدي الحسينـي
حيث ان له عادة وله جود ثجـاج
من معصرات الجـد والوالدينـي
يا بن محمد يا غنى كـل محتـاج
ياعيـد مديـون تحمـل بديـنـي
خدامكم شفه مـن المـال سيـراج
والا فرنجيـه لـهـا جبدتيـنـي
حتى يودي ذكرهـا كـل هـراج
واخبارهـا تاصـل والعديـنـي
وابدي لك البيضا عدد ريح الافواج
وتمشي ركاب المدح بينك وبينـي
ويفرح صديقي والعدو صاده افلاج
من غبنها دمعة من العيـن عينـي
وصلوا على من خصه الله بمعراج
محمـد المختـار جـد الحسينـي