ا لشاعر الكبير / عبدالله بن نايف بن عون الرويس

[متيم عتيبه]

ا لشاعر الكبير / عبدالله بن نايف بن عون الرويس العتيبي شاعر فذ وله العديد من القصائد الجزله وهذه احدى قصائده :





عسى السحاب اللي على ( كان ) يافهيد
من غـرب يجتاحـه ريـاح شديـده
واليـا تقافـا كنـه الـريـم شـريـد
مايعتـرض ممشـاه ريـح تـصـده
ابيـه يطمـن يــم دار الاجـاويـد
واول هماليلـه علـى سيـف جــده
ويمتدلـه مـن سيـف جـده تماديـد
ويركد هواه اليا قـرب مـن مصـده
شمـال مـن جـده لحـزم الجلاميـد
وجنوب مـن جـده شـرورة تحـده
مـدة كريـم مـال جـوده تحـاديـد
واليـا عطـى مايقـدر احـدن يـرده
وابيه يسقي نجـد مـن غيـر تفنيـد
ماكفتـه ريــدا إلــى المستـجـده
واليـا غـدا الارقـاب نبتـه عناقيـد
مافيه الـذ مـن الرخـا عقـب شـده
يطيـب كيـف مخـازرات المفاريـد
اللـي لهـا بقلـوب اهلهـا مــوده
وضح ليـا اوحـت للمـودة زغاريـد
قامـت تعـوج ارقابـهـا للـمـوده
وإن صادفـت محـدار والا مسانيـد
دايـم وهــي لـلاولـه مستـعـده
وإن صار محش جنوب والا تواعيـد
والا هجيـج يتبعـه طــول شــده
محصان عنـدي سبقتـه كنهـا العيـد
ونبـا نعـد الهـا مـن اليـوم عـده
بوضحن تباري كنهـا ذايـر الصيـد
ماتقضـب المقـطـاره المسمـهـده
اللـي يجيـك مزايـدة فيـه تزويـد
ان زاد زدلـه وان تـراجـع تـعـده
واللي يوسـد حامـض العلـم توسيـد
ماعاد اله مشـروة لـو جـاه ضـده
الله علـى قــدام بـعـد وتباعـيـد
مـن يقضبـه فـي سهلـة مجرهـده





تحياتي .......

[فيصل المسعودي]

صح لسان الشاعر الكبير


عبد الله الرويس


وتشكر على نقلها يالغالي


تحياتي

[((الدلبحي))]

صح السانك والسان ابن عون

ياهلا فيك وفي مشاركتك

تحياااااااااااااااااااااااااااااتي

[حمودي مصده]

صح لسانك ولسان عبد الله بن عون

[ابن روووق]

صح لسانك ولسان الشاعر

ومشكور على نقل القصيده والله يعطيك العافيه


اخــوك ابن روووق الغربي

[غشام نجد]

	صح لسان الشاعر الكبير: عبد الله الرويس وتشكر على نقلها يالغالي وعساك من عواده تحياتي واحترامي لك

[ابـن نـعـيـس]

صح لسان الرويس


والله يعافيك



تحياااااااااااااتي

التوقيع