بسم الله الرحمن الرحيم
(وصوف الخليل)
يالقوافي تلافي مبطيٍ عنك حيل= واسعفيني بشعرٍ مثل صم الجبال
يوم صارت معايير المراجل تميل= وإعتدال المراجل بأعتدال الريال
فوح صدري من الأيام في كل ليل = وكل ليلٍ من الأيام يبدي خمال
ياوجودي وجود الي سقيم وعليل = والدواء في يدين اعداه صعب ومحال
ياوجودي على ما ابدي برجمٍ طويل = وانثر اهموم قلبٍ غربلنه ليال
في ضميري من الأيام حملٍ ثقيل= واشتكي من حمولي للعزيز الجلال
ياهجوسي وانا مانيب شاعر بخيل= مااتنقى من القيفان غير الجزال
شاعرٍ في زمانه ماعرف مستحيل= ولاقصر دون قصده لودروبه طوال
يامشاري عطيب الراس زبن الدخيل = ياسلايل هل الطالات في كل حال
صابني في ضميري سهم رمشٍ ظليل= واستقر بخفوقي والخفوق استمال
من صوابه غدا حالي هزيل ونحيل= وفي غرامه تحملت الحمول الثقال
عود ريحان لاهب الهوا يستميل= لين العود جل الي عطاه الجمال
كنت أكذب روايات الغرام الجميل = والغزل كنت اشوف إنه روايه تقال
لين عايشت حبه جعل عمره طويل =وجعل ربي يصونه من صدوف الليال
عقبه ادركت بإن الحب سيفٍ صقيل = وايضاً ادركت بإني هالكٍ لامحال
والتجارب على ماقيل خير الدليل= والدليل إنه اضحى في عيوني دلال
ياغلاي وغرامي ياهواي العليل = ياحسين الوصايف ياجميل الخصال
جعلي ألقى إلى مفتاح قلبك سبيل = وجعل ربي يوفق بيننا بالحلال
المعنّى تمثل في وصوف الخليل = وكامل أوصاف خله شافها بالخيال
شعر/ مازن بن سعد العضياني
31-Mar-2011, 04:37 AM
وصوف الخليل
العرض العادي
