الــمشكلـــة لا صـــار مــا لــلــعـــقـــل ؟؟؟!؟؟؟

[السامي الجعيد]

قصيدة لشاعر الشاب والرائع : ـــ محمد بـــن جـــاراللــه الــســهـــلــــي

الصح منه يدوم ويخلد أموات
والا الغلط مجرد سنين ويموت

والشعر لوماصار ( ساعي قناعات )
يصبح حكي ..لكن على هيئة بيوت

والصدق مفتاح الكرامة ومنجات
يكسيك من لبس الثنا مشلح وكوت

والكذب نقص عقول فعول واثبات :
بان أغلب الياقوت ماهو بياقوت

والحب (أحلى شي ) الا مع الذات
والدار ( أغلى شي )الا بلا قوت

والدين . .عز . .وهيمنة . .وانتصارات
لاصار قول وفعل وجهاد وقنوت

يوم المشايخ . . قبل عصر الدويلات
تنقل كفن واسلاح ماتنقل بشوت !

في وقتها يااهل الخطب والشعارات
سالت دموع العز من (عين جالوت!)

وفي وقتنا . . ياصانعين القرارات
نضحي بغزة على شان بيروت !

والفرق شاسع . . ياصراع الحظارات
والقول أكيد . . وبالادلة . . ومثبوت

الماضي : امجاد وشموخ وفتوحات
والحاضر : مهايط ومقهى وبيلوت !

وآمر وآدهى . . ماهو قادم وات
لاصار واقعنا مبهذل وممقوت

يمثل الأمة في الأمة عصابات
وعلى خراب بيوت تتعمر بيوت !

جلسات سرية علشان جلسات
تفوت اللي مستحيل انه يفوت !

واللعب واضح في جميع المجالات
بتشوت ؟! صلح لي اصلح لك تشوت!

والخير بين في وجيه البشاوات
والشعب مستهلك ومتعب ومكبوت

حرية الرأي :اختصاص القيادات !!
وحنا تخصص ذل وانصات وسكوت !

ياصاحبي . . خل القصص والحكايات
وش ميزة التوت ؟ إن فقد لذة التوت

إن مت ! من قول الحقايق سهالات
على الاقل تعرف على ويش بتموت!

والمشكلة ماهيب في كثر الاصوات
المشكلة لاصار مال العقل صوت !

[المـرشدي]

صح لسانه
وسلمت يمناك

ومشكور على النقل

[محمد الذيابـــي]

صح لسانك ولاهنت

التوقيع

التوقيع محمد الذيابـــي

[سيف نت]

صح لسااااااااااااااااااااااااااااانه

[أبو طالع العتيبي]

مشكور أخي سامي على النقل

[صارم عتيبه]

انشهد انك جبتها على الجرح لا هنت ياكحيلان ولا هان ابن جارالله شاعر علم تحياتي لك اخوك صارم عتيبه

[السامي الجعيد]

الله لايهينكم ونعدكم بالمزيد والمفيد


فعلآ نحن بحاجة لمثل هذة المواضيع