فهد الشهيب الثبيتي=
هلا يامرحبا بالشاعر اللي من ثمان ايـام=يغيب وغيبته عند العرب ماهـي طبيعيـه
وانا اللي ماحسبه تالي زمانه يسرق الايتام=ولكن الحرامي معه مجموعـة حراميـه
سعود العصيمي=
يدوم الك البقاء ياللي ترحب والوعد قدام=تهرج وانتبه مابيـن هاذيـك وهاذيـه.
انا ماني سروق اخذ بفعل وارفع الاعلام=ولاهمي فهد والا فهيد وزيـد واوخيـه.
فهد الشهيب الثبيتي=
كثير الناس يبني له قصر في لذة الاحلام=ولكن الحقيقه مامعـه لـو نـص ربيـه
تقوله وانت مامديت لي لو كان ربع جرام=وحنا اللي معك فالحرب خياله ورجليـه
سعود العصيمي=
وصلك ماتمنى يامهنا كـان حظـك قـام=بروق الخير تبرق والنشاما تحتمي الهيه.
عطيتك من حلالي يافهد قسمك زمان العام=ولاعاد الك عندي غيرها الا ميسم الكيه؟
فهد الشهيب الثبيتي=
دعمتك لين سموك الرجال الشاعر الضرغام=على الله يارجال ٍ لابسيـن بشـوت عاريـه
تحسب الحر الاشقر مقسمه من مقسم الخدام؟=تراي اخوك فالاسلام والي حقـوق شرعيـه
سعود العصيمي=
بعد فرصتك فاتت لاتلد العين شرق وشـام=ترا ماانتب محوّلني عن شداد العمانيـه!!
نصيبك مايصيبك من رقيبك من لحم وعظام=رضيته مارضيته يافهد نرضيـك جبريـه؟
فهد الشهيب الثبيتي=
ترا ماانته معمّر قايد الثـوره ولا صـدام=عصيمي ٍ ليا جات المواقف يخلف النيـه
زمان العولمه صارت سيوفه منبر الاعلام=ولكن الوعد عبـر القنـاوات الفضائيـه
سعود العصيمي=
معمر لاتعده واصله دوره وطير ه حـام=وصدام انتهى وانا عصيمي نيرتي حيه.
مادام انك ثبيتي من ثبيت وفارس ٍ مقدام=ورا فعلك مايحمي كلمتك يابن الثبيتيـه؟