مشعل الحافي
انا بنشد على حاكم وعيضه وصاحبه جسّاس=عسى معجب يرد العلم ويفصل تفاصيله
سلام الله على معجب سلامٍ يقرع الاجراس=سفينه نوح يامعجب نبا مرسى لها ليله
معجب العتيبي
تنشد عن بني عمك لكن بأسلوب مثل الناس=واضن اسلوب مشعل يلزمه ياناس تعديله
هلا باللي يسلم عقب سولف والوضع منحاس=وانا رغم الكلام اللي حصل لابد مااصغيله
مشعل الحافي
ترا الغيّاب لو تبطي ينشد عنهم العسّأس=واضنك مثلهم غايب ولكنّ نوفي الكيله
يدوم الك البقا والوضع مزري ياشديد الباس=سفينه نوح عيّت لاتوقف مالها حيله!!
معجب العتيبي
غياب اهل العلوم الغانمه لو طال يرفع راس=يامشعل والسوالف بعضها لاهنت وشهيله
سفينة نوح راحت بالحمول اللي لها مقياس=على حسب امر راعيها وتكبيره وتهليله
مشعل الحافي
انا ما ارضى عليكم ياولد من شبهة الافلاس=وربعي يوم اصارحهم لزوم نعدّل الميله
سفينه نوح في غبه بحر يالسابح الغطاس=وموج البحر يجذبها على الجنبين وتجيله
معجب العتيبي
وحنا مانرد النصح منكم ياعريب الساس=ونفرح بالرفيق ليا نصحنا واقتوا حيله
على موج البحر تجري وينجيها قوي الباس=ومن يصعب عليه العلم قبل الحمل ياحليله
« آخـــر الـــمـــشـــاركــــات »
06-Jan-2011, 05:13 PM
العرض المتطور
