اختار لك وحده .ووحده يالثبيتي خلها!..فهـــد الشهيب!

[مطني الحافي]

صح لسانك

يافهد

والله لايهينك

استمتع باللعب معك دائما

[فهد الشهيب الثبيتي]

صح بدنك يامطني ومن قال لاهان

مشكور على الدعوة وماقصرت

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[سعودالعتيبي]

رائع ياشهيب


وأنتبه ياحافي من الشوك



محاوره جميله وأنتم مبدعين

[مطني الحافي]

وش هو شوكه يابعدي؟؟

[سعود العصيمي]

قبل امس نسمع لك رغا واليوم نسمع لك هدير
عـز الله انـك عقـدَ يسهـل عليـه حلهـا
حنا نعرف اللي طغو في نجد بالسيف الشطير
الله يخلـي لـك رجـال ظلتـك فـي ظلهـا





اطيب من اللي خابرينه لاحصان ولابعير
يعقد حجاجه مار لاجات المواقـف فلهـا
مادام تعرفهم علاك الصمت لاشفت الامير
سنع علومك قبل نفسـك لايبيـن غلهـا


















الله واكبر الله واكبر

فتل ونقض رااائع جدآ


صح لساااانك يامطني

وصح لسااانك يابو عواض مبدع بقوه

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[فهد الشهيب الثبيتي]

ارحب ارحب يابو طايل

شهادة نفتخر فيها

صح بدنك طال عمرك

شرفتنا بمرورك الكريم

[خالد الثبيتي]

فهد الشهيب
مطني الحافي

<<< ما هو لزوم كل شوي امدحكم هههه

الله يبيض وجوهكم

شعار و لا فيكم حيله

[خلف المطيري]

الحق واضح مايغطيه الكـلام اللـي كثيـر
لولا الامير اللي ولاكم كان ماتاصـل لهـا

انا عارف من تقصد يافهد ونعم فيه

لكن فيه شيخ ثاني هو السبب الرئيسي فالنزول


صحت الالسن والقلوب جميع

مبدعين وطواريقكم تحمل الاثاره دائما

[فهد الشهيب الثبيتي]

ارحب ارحب يابن منور

يالله حيه

ووجهك ابيض طال عمرك ولالحقنا شك فاللي مثلك وشرواك

صح بدنك وشرفتنا بمرورك الكريم

[فهد الشهيب الثبيتي]

ارحب ارحب يابو عبد الله

ماعليك زود طال عمرك لكن ودي انك تنشد عن راعي نجد لجل تزيد من ثقافتك الواسعة

وكلهم عينين في راس ومصدارهم واحد

صح بدنك وشرفتنا بمرورك الكريم