رد من ابو عتب لبنت قالت له عتيبي

[ألغنامي]

قالت عتيبي قلت فخر ومعزة ****** أهل الكرم والعلم والحلم والباس

قالت عتيبي قصدها بي تهزة ****** ماتدري اني بفتخر وارفــع الراس

الحمــــــــــدلله روسنا دوم رزة ****** اللي خلقنا بس نحني له الراس

صافي نسبنا والحسب فية عزة ****** أصل أصيل وفصل والعرق دساس

أهل الوفاء والدين صافي منزه ****** عن كل ماشاب العقيده من أدلاس

حنا العقيلات انشدي رجال غزه ****** حنا هل الدنيا وللدين حــــــــراس

حنا سنايد نجد في كل حــــزه ****** لا خانت حلوق الرجاجيل الأنفاس

حنا اجبال يعجز الريـــح هـــــزه ****** حنا لنجد حزام وعصابة الــــــراس

نارد حياض المرجـــــلات ونلــزه ****** مانمشي دروب الرذيله والأدناس

من يغلط لسانه علينــا نجــــزه ****** واللي يحقر قدر الرجاجيل ينداس

منا العدو تكفيه بالعين خــــــزه ****** يقضي عليه الخوف مع كل هوجاس

من ذكرنا في قلبه تثور نـــــــزه****** من طاري العتبان يبلاه وسواس

نومه كوابيس وروعه وفـــــــــزه ****** دقت نواقيس الخطر له والأجراس

وان هو لقي له من علينا يــوزه ****** هون له الصعبات وابليس خنــاس

مايدري انه للمهالـــــك يــــدزه ****** عجل علي مبناه يمحي من الساس

يابنت حنا من نخانا نعــــــــــزه ****** يأمن بنا الملهوف وتهابنـــا الناس

مرسولنا للخير دايـــــــم نكـــزه ****** ولصرخة المحتاج نرخي الأكياس

تاريخنا مجـــــد لبسناه بــــــزه ****** نمشي بوسط السوق ماندحم الساس

لك ماتركنا بكاس الأمجاد مـزه ****** واجد عليك ومثلك حثالة الكاس

وش جاب حر الطير لفريـخ وزه ****** منهو يساوي جوهر الماس بنحاس

لاتحسبين انك لنا مــسـتفـــزه****** وش ياخذ الباعوض من ريش قرناس


ان شاااااءالله تعجبكم

[ابوعتب]

حلوووووووووووووووووووووووه يالغنامي
وصح لسانك

[ابو وعيل]

قصيدة رائعه


والف شكر لك عزيز ألغنامي على القصيدة .

[ejoz]

مشكور على هذة القصيدة اذا قايلها غيرك ممكن تذكر لنا من قالها .

اما اذانت قايلها فلله درك لقد ابدعت . لك منى فائق التقدير

وعلى درب التواصل نلتقى.

وكل شئ ................... ايجوز

[ejoz]

لى ملاحظة على احد ابيات القصيدة وهو/
(حنا العقيلات انشدى رجال غزة)

اذا كنت تقصد ان العتبان هم العقيلات الذين كانوا يقومون بالقوافل التجارية المعروفة
فهذا غير صحيح لان العقيلات هم القصمان .
اما اذا يطلق لقب عقيلات على عتيبة فلا علم لدى
مع ذلك فان هذا لايقلل من جمال وروعة القصيدة

وعلى درب التواصل نلتقى

وكل شئ .... ايجوز

[@عريب الساس@]

منا العدو تكفيه بالعين خــــــزه ****** يقضي عليه الخوف مع كل هوجاس

من ذكرنا في قلبه تثور نـــــــزه****** من طاري العتبان يبلاه وسواس

شكرا" لك يالغنامي وصح لسان الشاعر وليتك تجيب لنا اسمه

وتقبل تحياتي اخوك/
@عريب الساس@|238| |238| |238|

[عتيبي]

الاخوان الاعزاء هذه القصيدة طرحت قبل مدة في هذه المنتدى وكان لي الملاحظة التالية(والموجودة في الموضوع الاول):

الاخ ******* حفظه الله قبيلة عتيبة معروفة وقيل فيها الاف الابيات . لكن الحقيقة القصيدة التي اوردتها كنت قد قرأتها سابقا في احد المنتديات على انها قيلت في القصمان واظن ان ذلك هو الصحيح لان البيت السادس من القصيدة:

حنا العقيلات انشدي رجال غزه ****** حنا هل الدنيا وللدين حــــــــراس

يخبر بان القصيدة في العقيلات وهم القصمان والمعروف عنهم السفر للتجارة الى الشام (غزة)


لاحظ اخي ان المنتدى يطلع عليه غيرنا وقد يحتسب هذه النقطة ضدنا


اخوك عتيبي

[ألغنامي]

الاخ / ابو عتب
والاخ ابو وعيل
والاخ / يجوز
الاخ / عريب الساس

مشكورين على ردودكم وعلى ماقلتو صح لسان قايلها

ejoz بالنسبه لملاحظتك فأنت صادق فيها ولكن ,,

سألت وافادوني بأن:

( العقيلات ) لا يقصد فيها الشاعر انهم العتبان وانما يقصد بها مدحه وصفه لهم


اما بالنسبه لسؤالكم عن قايل هذه القصيده فللأسف فهو غير معروف
..............

تحياتي لكم

[ألغنامي]

الاخ / عتيبي

هذه القصيده لم تنقل من موقع أخر اول مره اقراها عندما ارسلها لي أحد الروقه عبر الايميل ولم يتم التغيير فيها ولابحرف واحد

ونرجو من الاعضاء الموجودين المساعده في التأكد من صحة القصيده
ومن المقصود فيها

تحياتي,,,,,,,,,,,,

[ألغنامي]

الاخ / عتيبي

هذه القصيده لم تنقل من موقع أخر اول مره اقراها عندما ارسلها لي أحد الروقه عبر الايميل ولم يتم التغيير فيها ولابحرف واحد

ونرجو من الاعضاء الموجودين المساعده في التأكد من صحة القصيده
ومن المقصود فيها

تحياتي,,,,,,,,,,,,