يابــــــــــــو بـــــــــــدر

[سطام بن فهيد]

السلام عليكم ورحمة الله وبركاته

اسعد الله اوقاتكم بكل خير

على قولة المثل من طول الغيبات جاب الغنايم وانا جبت لكم احدى قصايدي في امير قبيلة الشيابين سلطان بن ماجد بن فهيد الشيباني وفي قبيلة الشيابين عسى ان تنال على اعجابكم وانا اتقبل اي نقد برحابة صدر



بعض السوالف ماتعرف المعاذير
وما للأماره غير راع الاماره


أميرنا نسل الحرار المشاهير
اللي مقامه في منص الصداره


سلطان أبن ماجد سليل المناعير
ساس الفخر والمرجله والطهاره



تزهابه الامداح بين الشواعير
وتقدح له الابيات قدح الشراره



وكل الحقايق ظاهره يالمقادير
والليل وإن طوّل يزيحه نهاره



ماهو من اللي يدفعون الدنانير
وبالمدح يبيله شياخة تجاره



هذاك حلمه في مهب العصافير
يذوق في كبده لهيب الحراره



لو جابله شله وسواّ جماهير
ياعنك ما عمّر لواحد عماره



مكاسبه من فوق راسه مخاسير
كمٍ من كلامٍ ما ينفذ قراره



عليه نار وجمر رهبه وتكبير
وتبت يدين أبو لهب جوف ناره




المدح والتمجيد للي بهم خير
روس الكرم وأهل السطر والنعاره




أمثال كساب الثناء مزبن الغير
أبو بدر مادون صيته ستاره




شيخٍ لوى روس الظروف المعاسير
أطناب بيته عز والمجد جاره




دايم يمينه تعطي الجود تبذير
ومن السخاء ما علمت به يساره




حنا على رايه نقود الطوابير
وماجالنا دون اللزوم أنكساره




روس الفهيدات السيوف الشواطير
وروس القرافين الشرف والسطاره




وروس العمور ويقصرن التعابير
وروس العبادل تاج مجد وجداره




وروس الحفارى الغانمين المسافير
مع ذي خليفه والفخر في مساره




ومع العواويد المدايح لها سير
وزبالقه كلٍ فعوله شعاره




يا بو بدر ما غيرك أمير يا أمير
أمارتك ماهي شياخة تجاره



وسلامتكم


سطام بن سلطان بن ماجد بن فهيد

[محمد العتيبي]

صح الله لسااانك مدد يابن فهيد ..



ونعم مليون فالشيابين وبشيوخهم الكرام الحشام ..



تحيتي لك
..

التوقيع

للتواصل عبر twitter تويتر al_bargawy@

[علي الدعجاني]

صح لسانك

وابن فيهد والشيابين يستاهلون

[سطام بن فهيد]

صحت ابدانكم الجميع

وماعلاكم زود

والله يعطيكم العافيه


اسعدني مروركم وردودكم


تقبلوا تحيتي

[الصويت الثبيتي العتيبي]

صــــــــــــح الله لـــــــســــــــااانكــــــــــــ يابــــــــــن فـــــــــهـــــــيـــــــــــــد

[نواف الشيباني]

صح لساااااانك
ولاقلت غير الصحيح يابوسلطان

تقبل مروري

[سطام بن فهيد]

صحت ابدانكم


لا خلا ولا عدم


الله يعطيكم العافيه