الشعر وهبه من جزيل العطايا

[محمد مذكر المغيبي]

الشعر وهبه من جزيل العطايا = سبحان من ماله شريكٍ ومعبود
نبعٍ سخي يصدر من اقصى الحنايا = ويبذل على ترتيبه الفكر مجهود
اما انقبل جزل وجميل الحلايا = والا على راعيه باالطبع مردود
والشعر يوجد به جميع المزايا = والطيب ماهو في هل الشعر محدود
كم واحدٍقاد السرب والسرايا = ماله مع اهل الشعر لوكان مفرود
لكن يغزى به لحل القضايا = وبساطٍ اخضر بين الاجواد ممدود
ويحفظ حقوق اهل الوفاء والحمايا = اللي لهم باالمجد تاريخ مشهود
ويارد مع الشجعان حوض المنايا = ويثبت مواقفهم من النقص والزود
وعطرٍ لمجلس طيبين السمايا = ويشفي غليل اللي من الوقت ملهود
واليوم كل الناس صارت سوايا = كلٍ على كيفة وعن نفسه يذود
وانا احمدالله ماكتبته همايا = الشعر عدٍ من على الجد مورود
ماني من اللي يقتنع باالبقايا = من لأسقته يمناه ضامي ومضهود
واهل السوالف مكثرين الزرايا = عندي مناعةمن خطاهم ومسنود
اللي عوايدهم خباث النوايا = وقلوبهم تندى ومن غيضها سود
رجالهم في وسط سوق الوهايا = بافكار معدومة قوانين وبنود
وهرجه ذحاحٍ مثل سم الحيايا = ردّي حظ ومعرفة قاصر زنود
مادام مايحضا بطيب السجايا = في شبته تحرم على شاربه عود
عرفي لمثلة من كبار الرزايا = وبعدي عنه يسوى قطيعٍ من الذود

آخر تعديل محمد مذكر المغيبي يوم 19-Nov-2009 في 10:59 PM.

[ابن صنهوت]

صح السانك يابو خالد مبدع يالذيب

[محمد مذكر المغيبي]

صح بدنك ياابن صنهوت

الله لايهينك على المرور الدائم

تقبل تحياتي

[شامان الروقي]

صح لسانك يالمغيبي

[فيصل المسند]

صح لساااااانك يا محمد مبدع كا عادتك


تحياااااتي

[ولدعساف]

صح لسانك يالمغيبي

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ابن نخيلان]

الله الله



ماشاء الله تبارك الله



حي الشعر وراعيه


صح لســــــــــــــــــــــانك يالسنافي



تقبل تحياتي


سجل إعجابي

[عمر الدغيلبي]

جعلهم فداك يا محمد

وصح لسانك يا جزل

على هالقصيده الطيبه

شاعر مبدع و لا زلت في كل نص

تبهرني بإبداعك

سجل إعجابي


ولك ودّي

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[محمد مذكر المغيبي]

شامان الروقي

مرورك يسعدني الله لايهينك

تقبل تحياتي

[فهيد مقعد الرويس]

والشعر يوجد به جميـع المزايـا
والطيب ماهو في هل الشعر محدود
كم واحدٍقـاد السـرب والسرايـا
ماله مع اهل الشعر لوكان مفـرود

صدقت يابومذكر فالشعر ليس فعل يمدح على الشخص وهو وهبه من الله يعطيه طيب وخيب

والشعر للعاقل نعمه وعلى السفيه نقمه

وصح لسانك ملاااااااااااايين

ولله درك يعلم الله اني احب قصيدك وهو يعكس صوره عن نزاهة تفكريك وطيب معدنك

تحيتي وتقديري