علي الشهراني
الليله السالفه بدع و شقر = واللي يبي خوتي ياقف لها
ان كان ما جبتها بيض و شقر=أشره على بابها يا قفلها
معجب العتيبي
السالفه ياعلي نار وسمر=حتى ولو برد لاتقرب لها
على لحنها يجي لعب وسمر=من قومٍ انته ترا تقرب لها
علي الشهراني
ما سرها لا شيوخ و لا جبر=من يوم ما غاب عنها بعلها
اللي تحاول على كسر و جبر=اشتر لها يا الصحيب و بع لها
معجب العتيبي
فيها شيوخ وتلاميذ وحبر=واشوف مثلك بعد وجه لها
جرب وخذ دفتر وسيف وحبر=وان مانفع علمها اوجهلها
علي الشهراني
تمخّضت فآخر اوقات السحر=لكن مدري وش اصبح حبلها
انته مريض ومعك جن و سحر=تبكي على السانيات و حبلها
معجب العتيبي
جابت شجاعٍ ليا ضاقت عبر=وان عودت لهو ياطيب لها
فالوقت قابلت خبلان وعبر=واشوف بعض العرب يطرب لها
علي الشهراني
و الله و نعمين بك بطن و ظهر=الطيّبه و الله انك رجلها
لكن قلّي علامه ما ظهر=اللي ربط يدّها مع رجلها
معجب العتيبي
كلمتك هذي تودي للخطر =لكن كلمه ولايحسب لها
كلام واجد على بالي خطر= لكن حروفي ماريح سبلها