علي الثبيتي =
ياسعود ليلك ليل والمعنى على رااااسك يدور=الك سنين اتحك جنبك كن في جنبك جرب!!
والانفصال اللي طرى بين الشمال ودار فور=يمكن يسبب مشكله ماتنتهي بين العـرب!!
سعود العصيمي =
ياعلي ليلك ليل مار الله يزيـد النـور نـور=عملتك تخلطها نحاس وزنك واحيانآ ذهـب.
عمر البشير موكد آ علمه وله قصد مخبـور=قرب من النار الحطب والنار عيشتهاالحطب!!
علي الثبيتي =
ليتك لحقت الوقت الاول يـوم مدفعهـا يثـور=يوم التحام الخيل فالميدان والسيـف الحـدب!!
حنا نعرف اهل المراكي من قديمـات العصـور=ونعرف معش الطير ابو منقار والسبع العضب!!
سعود العصيمي =
فالوقت الاول والاخير بخير والبيـت معمـور=كم شبع سبع ٍ من فرايسنا وكم نعسف صعب!!
يااهل المراكي شلفكم صارت لكم وسط النحور=اثبيت مايذبح ثبيت اتلى الزمان الا الغضـب؟
علي الثبيتي =
يوم وقت اهل المهايط والتغطرس والغرور=واللي يعد افعول غيره قال ماغيره شنـب!!
ناد العرب ياسعود لجل اتجهز اكفان وقبور=يجوز تصبح معركه والدم ياصل لركـب!!
سعود العصيمي =
ماانته على بعض السوالف يالثبيتي بمعسور=حنا رجال نقضي الديان ونوفـي الطلـب!!
الله يكافينا المصايب والمشاكـل والشـرور=من دور النكبات ياعلـي الثبيتـي ينكـب!!
علي الثبيتي =
ترى الثبيتي قال كلمة حق ماقال الـك زور=وثبيت مقطع حق فكر وعرف وتفك النشب!!
اثر سعود يرستك الخطه من اسنين وشهور=ماهو بدار ان المشاكل ماوراها الا التعـب!!
سعود العصيمي =
ياشجرة الغرقد لعلك بالصرام مـن الجـذور=ماني مكلف بك ولا علي الثبيتـي بلـك رب؟
ان كان ماجاء منك قاصر ماحصل مني قصور=لكن طعني عوّذ الشيطـان ياثبيتـي وتـب.
علي الثبيتي =
ترى العداء تكثر جنابيهـا ليـا طـاح الجـزور=الموت واحد مار ماياتيـك مـوت بـلا سبـب!!
ماودنا بعض العلوم اللي تضيق ابهـا الصـدور=انا زهقت من الغضب والا انت تضحك من عجب!!
سعود العصيمي =
الموت واحد ما ر جعل الذنب ياعلي مغفـور=مايكتب الله في جبينـك يالبنـادم ينكتـب .
الحل بيدين الرجال اللـي تحكّـم كـل شـور=وانته عجل ودك تصلي الفرض قبل انه يجب؟
« آخـــر الـــمـــشـــاركــــات »
12-Nov-2010, 11:54 PM
العرض العادي
