ياللي تغلا علي وتحرق أعصابي

[الشمالي الغربي]

هذه التواضعه إهداء مني والعذر والسموحه

ياللي تغلا علي وتحرق أعصـــــــــــــــابي

انا اعرفك زين واعرف كل الاعيبك

بس اتحملك لأنك سيد أحبـــــــــــــــــــــــابي

وأنا اقدر اقلب على راسك عراقيبك

أنا اشهد أن كل شي (ن)فيك جـــــــــــذابي

حتى صدودك وهجـــرانك وتعذيبك

مايستوي فى الهوى صادق وكذابي

انا عشقتك ولا ادري ويش اسويبك

حتى أنك اصبحت تأمر بي وتنهابي

واحيان تقسى علي ببعض اساليبك

أرفق ترى الراس منك من الهوى شابي

والقلب مسكين يصبح بك ويمسيبك

وش فايدة هالقلم بيدي وكتـــــــابي

ما دامت انــــــــــك هواجيسك تقفيبك

انا اشهد اني جريح وفى الوه مابي

جرح(ن) سوى جرح من رميك وتصويبك

أن كان تامر علي اشقق ثيــــــابي

واصير مجنون البي لك مطــــــــــــــــاليبك

أنا افهم اسرار قلبك وأنته ادرابي

لكــــــــن امانتك قلبي داخل قليبك