اليا دعاك اصغر عتيبي قول حاضر سيدي (خلف المطيري)

[خالد العصيمي]

قال الامام الشرف مافكيتها وأنته خبير=ماهي مديحه يانفيش الي مع الصبح تغدي
دايم تحاول تفرق العتبان شرك مستطير =اثر النذاله حصر للمطران قبلي وبعدي

[خلف المطيري]

الله الله

خلوووووووووووووووها

لو هي عليكم ماغدا لمطير يالفاهي بعير = عيّنت ربعك فالرضيمه وش وطاهم يامهدي
اشره علي بندق لولاها ماتلقا من يطير = هذا جهدّك ابلابتك للحين ماجاك اجهدي

[خالد العصيمي]

الله الله

دايم تمسح جوخت الروقه وقلبك غير غير=واليوم قمت تذمهم في ظلهم خلك هدي
أنته كما السوسه على العتبان شر بدون خير=الله يخارجنا من الاوباش والحظ الردي

[مساعد المطيري]

مصامخ عالي المستوى

ماقصرتوا وافين


سفيرنا العارضي صح لسانك

خالد العصيمي صح لسانك

والصف مع ابن ساطي الى يوم الدين

آخر تعديل مساعد المطيري يوم 08-Nov-2010 في 03:56 AM.

[خلف المطيري]

سبي لهم مدحي لهم مالي مع الروقه خشير = مار البلا فاللي علي قومه يغني ويّحدي
لاتحسب انك كارثه تراك مستخدم واجير = الاد مفلح ستركم لاصار للخيل اطردي

آخر تعديل خلف المطيري يوم 08-Nov-2010 في 04:21 AM.

[خالد العصيمي]

صح بدن يامساعد

ياخلف انت تطول مدري ترد ولا نتمرح

[خلف المطيري]

المشاركة الأصلية كتبت بواسطة مساعد المطيري

مصامخ عالي المستوى

ماقصرتوا وافين


سفيرنا العارضي صح لسانك

خالد العصيمي صح لسانك

والصف مع ابن ساطي الى يوم الدين

هههههههههههههههه

صح بدنك يامساعد الي يوم الدين

والصف يزهابك

ومبروكين المطر

[خلف المطيري]

المشاركة الأصلية كتبت بواسطة خالد العصيمي

صح بدن يامساعد

ياخلف انت تطول مدري ترد ولا نتمرح

ههههههههههههههههههه

انا اطول الله يسامحك شوف الوقت بين الردود

بعدين وياك اسرع شاعر في عالم النت

بس الرد الاخير شايبن عندي رقد علي مركاه وشلته داخل فالغرفه

لو اخليه مات من البرد ولا توطاه بعير هههههههه



عموما صح السانك والدعوه امزوح وتجي واتروح

وتصبح علي خير

[$ خالد الجذع $]

طاروق رارئع جدا يستحق المتابعه

وشعراء لهم ثقلهم

صح السانك ياخالد العصيمي

وصح السانك ياخلف المطيري

[خلف المطيري]

المشاركة الأصلية كتبت بواسطة $ خالد الجذع $

طاروق رارئع جدا يستحق المتابعه

وشعراء لهم ثقلهم

صح السانك ياخالد العصيمي

وصح السانك ياخلف المطيري

صح بدنك يابن عساف

لاهنت يالقرم