الدجيما والحب - الهيـــــــــــــلا *** منتدى قبيلة عتيبة

عبدالله الدغيلبي · 04-Nov-2010, 04:52 PM

× قصة الدجيما ×

قصة الدجيما التي وقعت قبل اكثر من مئة وخمسين عام
كانت قصة عشق عفيفة طاهرة وهذا ما يتبين من واقع شعر الدجيما ..

لا يخفى على كثير من القراء قصة الدجيما فهي مشهورة وخاصة في الجزيرة العربية
وبالذات في منطقة الخليج العربي ..

اسم الدجيما الحقيقي هو / دخيل الله بن عبدالله بن مرضي الدجيما الثعلي العضياني الروقي العتيبي ..
ولد عام 1270هـ وتوفي عام 1320هـ على ارجح الاقوال وبذلك يكون توفي وعمره خمسين عام ، وهو من اهالي المحاني ..

فلقد اختلف الرواة في قصة عشق الدجيما لمعشوقته ، فما هو إلا بدوي لا يملك من الدنيا الا ناقته وبندقيته ( مثيبة ) ..
وهي كل متاعه في الحياة التقى بمعشوقته ، فزهد في الدنيا وجعل من ناقته وسيلة تنقلة الى من هواها قلبة ومن بندقيته وسيلة للدفاع عن نفسة ..

يمني نفسة بملاقاتها يذهب الى الغدير لعله يرى معشوقته ، تقدم الى اهل معشوقته
طالبا الزواج , ولعلمهم بان الدجيما لا يملك المال طلبوا منه ثلاثين ناقة ؟؟

والابل في ذلك الزمان قليلة وتعتبر ثلاثين ناقة ثروة في عهدنا الحاضر مع تبييت النية بانهم لن يجوزوه , رجع الدجيما الى قبيلته واخبرهم بالامر ,
فتم جمع ثلاثين ناقة مهر لمعشوقته سميحة , ورحل الدجيما الى اهل معشوقته مقدما لهم المهر ,
وردوا عليه بالرفض حيث قالوا لانريد تزويجك اياها ..

لانه عار عند القبائل اذا زوج المحب لمن يحب ولكنهم طلبوا منه الابل لتصعيب الامر عليه لانه لا يملكها ..

وبعد هذا الرفض مرت الايام واتى الدجيما ذات يوم الى الغدير المسمى ( النعم ) جنوب الحفاير
واذا بالفتاه التي يحبها على جانب الغدير واضعه اللثام وتغسل وجهها وبسبب زيادة شوقه وحبه لها اجتاز الغدير نحوها وقبلها وهو بين افراد قبيلتها ..

لقد اقدم على مخاطرة كادة ان تودي بحياته , فصاحت البنت وجاء اقاربها واخوتها وسالوها عن سبب صياحها ورفضت البوح لهم بانه قبلها ..

خوفا من تثير فتنة بين جماعتها وجماعة دخيل الله الدجيما فشك اهل البنت انه قبلها وبرزوا للقتال وقالوا سنقتل دخيل الله
وقال جماعة الدجيما سنقتل من يقتل دخيل الله ولكن القبائل تدخلت لفض النزاع وانهاء المشكله ..

وفي ذات الليالي صحا الدجيما من نومه يردد بعض الابيات منها :

يـــــا ســيـــدي حـلــمــت لــيــل بـفــرقــاه
و مــــعــــبــــرا فـــــرقـــــــاه بـــاحــــلامـــــي

واليا حبال الشطن عندي مطــــــــــواه
منهـا اربـعـة مربـوعـة فــي حـزامــــــي

وبعد وقت من هذه المشكله اخذت الامراض تتوالى على دخيل الله واخذ ينحل جسده بسبب حبه للفتاه وبعده عنها ..
وقام اقرباؤه واتوا بعدد من الاطباء ولكن لم يفلح علاجهم ،

أي علاج هذا الذي ينفع مع العشق لا علاج الا الوصال ولكن حالت بينه العادات والتقاليد ..

لقد زاد عليه المرض وتوفي بسبب عشقه لهذه الفتاه
التي حرمه اهلها من الزواج منها حيث توفي الدجيما وهو لم يتزوج ليخلد التاريخ ..

قصة عشق عظيمه مرت على هذا الشاعر الذي قتله حب فتاة .

للاسف كثيرا من قصائد الدجيما لم تدون

من قصائد الدجيما
وهذه القصيده مشهوره

ياجر قلبي جر لـدن الغصونـي
غصون سدر(ن) جرها السيل جرا
واهله من أول بالورق يورقونـي
على غدير(ن) تحته المـا يقـرا
على الذي مشيه تخطـى بهونـي
وعصير من بين الفريقيـن مـرا
لاوالله الـي بالهـوى هوجرونـي
هجر(ن) به الحيلات عيت تسـرا
لامبعـد(ن) عنهـم ولا قربونـي
ولا عايف(ن) منهم ولاني مـورا
وأكثر عذاب القلب يوم سنحونـي
بيح بصبري لـو بغيـت اتـدرا
لاضاق صدري قمت ابار الظعوني
كني غرير(ن) بالدلوهـه مضـرا
وقلبي عليه اشفق وتبكي عيونـي
والحـال مـن ود الحبيّـب تبـرا
ياعزتا لي مـن تفـرق شطونـي
يعزا لي ارمي بالسلـب واتعـرا
ان مت في خد(ن) بعيد انقلونـي
على هدي الزمـل مشيـه تـدرا
ان مت في دافي حشـاه ادفنونـي
في مستكن الروح ماهـوب بـرا
بين النهود وقـد روس القرونـي
عن الهبايـب مستكـن(ن) مـذرا
ياليتهـم بالـحـب ماولعـونـي
كان ابعدوا عني بخير(ن) وشـرا
والا انهـم يـوم انهـم قربونـي
خلوني اقضـي حاجتـي واتـدرا
وياليتهـم فالـدرب ماواجهونـي
وياليتهـم مـازادوا الحـر حـرا
وياليتهم عـن حاجتـي سايلونـي
يوم اني اقعـد عندهـم واتحـرا
وياليتهم مـن زادهـم اطعمونـي
انـا علـى زاد اليتيـم اتـجـرا
لاقـربـوا مـنـي ولابعـدونـي
ولاميس(ن) منهم ولانـي مـورا
الخد برق(ن) في علوا المزونـي
تقول براق(ن) من الصيف سـرا
وقفت عنده شايحات(ن) عيونـي
كني غريـر(ن) باللهاوي مضـرا

وقال أيضا:

فر قلبي مـن ضميـري يـوم فـرا =فـر حـر شايـف جــول الحـبـاري
شــاف زول لا بــلاك الله بـشــرا =ما دريت انه لقتل النـاس ضـاري
لا تـبـي بـيـت العـنـود ولا تـمــرا =الخطر يا للي على عمرك تداري
العنـود سهيـل والبيـض المجـرا =فرقها فرق الفتيل من السواري
العنود هـي العنـود واخـت سـرا =فــا رقـاتـه بالزمـيـم والـخــزاري

وقال ايضا:
،،

اجل ياناثر الدمعه تعطر خاطرك مكسور =ياليته ماحصل منك تصرف ماعليك حذار
يقول اللي بحرف السين لايامر وهو مأمور =عجايبنا من الدنيا تكفينا عن اللي صار
انا لوقلت ماحليت مشكلها بغير قصور =ولكن الله الذاري وأقول اليوم ياستار
أحب العشره اللي مابها شك ولا محذور =واحب الندمه اللي تجمع الطيب مع الأخيار
فضحني دمعي الجاري على فراقك يالمذكور =عساه يوسع الخاطر بمرسول يجيب أخبار
الا يانور من نور تشعشع ياشبيه الحور =عساك تغير السيره بحسن رضاكـ والتذكآر
انا ماطعت عذالي بحبك ماقبلت الشور =اعزك من معزتنا ولانبدي لك الأعذار
جلسنا مجلس العاده واقول بحضرتك مشكور =تبادلنا صداقتنا ولا نخفي لك الأسرار

وهذه القصيدة قالها عند وفاته :

هيض علي الحيـد فـي ربـة الصيـد = وأطـري عليـة زيـد بالـود لا عـاد
عديت أنا فالجال مع سرحـت المـال = وشفت الغبيـط يشـال والمـال ينقـاد
وجض الضمير وجاض والدمع قد فاض = وحولت أنا مغتاض وأبديـت الإنشـاد
عيني لجاجة والبكـى إلهـا سماجـة = وإلها مية حاجـة وعدوّهـا الأحسـاد
يا مـن يداويهـا عـن الهـزم فيهـا = قـدام يعميهـا ويخـر لهـا أرمــاد
جرحي كبيـري بالضمايـر خطيـري = ولو هو بغيري ما شرب ماء وأكل زاد
صابة لطيف الروح والقلـب مجـروح = واللي كتب فاللـوح جانـي بالأوكـاد
أبـو فـم ينبـاج عـن غـر افـلاج = مثل الحيا البهـاج فالمـزن الانضـاد
ونهود مثل البيض في مرجع الفـاض = في وقت حتن القاض من قـد الامهـاد
ميـر آتعـبـر عنـدهـم وآتجـبـر = مقـدر أعبـر والوجـع فـيّ يـزداد
جو بالطبيبـي مـن تـردي نصيبـي = هو يحستب اللي بي تداويـه الأجـواد
و(المغربي) جوبه علـيّ أوقفـوا بـه = وعطـوه مطلـوبـه وداوا ولا فــاد
يحسـب بلايـة علـة فـي شوايـة = وأنـا بلايـة ود مـركـوز الانـهـاد
وجـو بالمخـرّج لعنبـوا ذا المهـرّج = يبـي يفـرّج والله أخـبـر بـمـا راد
فـوق الحفايـر جـددوا لـي جدايـر = والحـول دايـر حطـوا البيـر ميـراد
وزابنـوا عليـه رونشـن فيـه فيـه = وأخذوا شوية واجلسـوا فيـه يـأولاد
والقبر إلـي حطـوه باعيـن وأمـدوه = والبرج لي حطـوه مـا بيـن الألحـاد
وخلوا الصبا تذري صباحـا وعصـري = وأليـا بغيـت أسـري، فيـه معـواد
جاني من الرحمن وفـد لهـم شـان = يومني أجلي حان والجسـم قـد بـاد
بعـد خـذوا روحـي وكلـن ينوحـي = والماء يفوحي قربـوا لـي بالأعـواد
لفـوا عليـة لـف خـام بـلا كـف = وصفوا علية صـف يدعـون الأجـواد
ثـم احملونـي بالنعـش وادفنـونـي = واقفـوا وخلونـي وحيـدا بالالـحـاد
جونـي مناديـب الولـي واقعـدونـي = به لقنونـي خمـس الأركـان بعـداد
يعطينـي الجـنـة كبـنـة مضـنـة = عطا بلا منـة وهـو سيـد الأسيـاد
أطلب عظيم الشان عفـوه والاحسـان = الخالـق المنـان فعّـال مــا راد..

وقال في بندقيته ( مثيبة ) ::

يازربـة عديـة فـي قنتـهـا = بين الحفاير والنهي والفاضـة
معـي مثيبـة زينـة حليتهـا = ما هيب لا قشرا ولا عضاضـة
مضرب رصاصتها على نتلتهـا = تشدي لناب الولبه العضاضـه
مشقاصها كنه علـى فطحتهـا = عود يبي يوفي جميع افراضـه
صنع النصارى كبـرو جردتهـا = تشدي لبراطم قينـة مغتاضـة
اطيب من المعزى ومن حوشتها = عقص القرون كبودها حماضه
قصة عشقه اشتهرت مبكرا كنموذج لصرعى العشق مما دعى كثيرا من العشاق للإستشهاد به كما في قول عبدالله بن سبيل وهو من معاصريه ، وعاش بعده إذ يقول:

أخاف من موت بليا حقيقة / مثل الدجيما لا طرد به ولا سيق

ويقول ابن مقيبل :

والدجيما من هوى الزينات مات ........ إلخ

وشاعر اخر يقول :

الهوى قد ذبح له شمري / والدجيما على موته شهود

وكذلك قال زبن بن عمير :

يسمى دور محسن والدجيما وابن لعبون / مكنـت اتـلاه وإلا أن أولـه مـافـات عـنـي

ويقول الشاعر عبدالمعين بن عقل بن ثعلي وهو من نفس قبيلة ( الثعاليه ):

رمح الدجيما اللي قتـل بـه قتلنـي / لحدن دفع سوقه ولحدن طرد فيه

إلا هُنا تنتهي هذه الرواية من قصة الدجيما سالفه وقصيده
اتمنى ان اكون وفقت في طرحها هُنا

واعتذر عن التقصير ان وجد ،،