 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
26-Oct-2010, 05:16 PM
|
رقم المشاركة : 1 | |||||
|
عتيبة اللي فخرها في سما المجد شام
الشعر لازان طرقه واستوى واستقام سواجع الورق ماتشغفني الحانها لاصار مال العفايف فالنوايف مرام حرام اسج القريحة واطلق عنانها لكن ياجوهر الافكار عد وتسام لين انك تجاور الجوزا وجيرانها اركب على المهره الصفرا وشد الحزام ولاترجع الا بدرَ الفكره ودانها تصريف فكري على اللهاق برد وسلام لو نوره ينور الظلما لسهرانها يسري به اللي يساهر ساكنات الظلام اللي ضلوعه نديمه صوت سرحانها ان كان ولا على اللي للمغني غرام عنقاً على خدها مختوم رسلانها ماكنها بالوصوف الا طوال النعام والا هنوف توقى عين ولهانها لاركيتها والمناره يختفقها العرام اللي تعدى من القبله على شانها وليا تلبب سناها واعتلج واستهام قام يتنوش لهبها طيف دخانها هذيك عنها ليا جحيت حمر ٍ مشام كواعب الصدر تشدي حب رمانها قلط لها اللي حديده مثل لون الحمام واحذر ينوشه من الشعاقه لسانها واظهر من الذبل الخضر الصغار الهزام اللي تعالج جروح الروح واحزانها رفرف عليها وقلبها بكل اهتمام لو صاح بين الضلوع العوج وجلانها وليا ندا فوق حبتها الندى ياسلام لاعاد تنشد عن الغيمه وهتانها افهق عن الجمر شقر ٍ مثل شرد الادام وانثر مفارديها لاشواق كنانها فالمبرد اللي قموره مثل نقش الوشام في كف عذراً يلوح الموت فاعيانها وانق الغرايب ترى خلج الضماير حيام لوانها من عروقي تجذب اشطانها واخذ اصفر ٍ ماعلى انغامه حلال وحرام وان قام يزعج ضلوعي ثار بركانها دوبك وخله ينوح مثل نوح الحمام خل الحشاشه تثير اشجانه اشجانها وليا اختلف صوته ارخ عن الحزين اللجام حدر حمول المشقا واطلق بطانها لاشك والشقر حدرها بكل التزام مدقوقتك حطها في خمرة ٍ عانها ترقل وماها يفوع من الطرب والهيام فوعة قضيبٍ زمت له روس ضلعانها وليا استوت زلها فاللي عليها الكلام اللي عكس منتهى الابداع فنانها تثمينة الزعفران وهيلها بانسجام ينبيك رايح نسمها عن شرف شانها مهيولها قدمه تقديم حسب النظام واتركني اسج مع بنتي وقيفانها اللي تنزل شرفها فوق وسق السنام مدح القبيلة ومسلطها وسلطانها قبيلة حظها بالنصر والعز قام في وسط شبه الجزيرة تزمي اركانها عتيبة اللي فخرها في سما المجد شام بأفعال فرسانها وامجاد شيخانها تاصل وتسطي وتخشاها جميع الانام من عصر خير البرايا نسل عدنانها قبيلة فاتحاد الصف والالتحام مافرقتها صروف الوقت وازمانها واخصر ضلاعينها من فوق هام الغمام واطول ضلاعينها معروف عنوانها يوم الحرايب ودقلات العدا والزحام منزحين العرب عن ورث جدانها بمصقل الهند وخشوم القنا والسهام واصافن ٍ فالجزيرة تعرف اكوانها في نجد حنا هل التاريخ واهل المقام واخذ الخبر من ذيابتها وعقبانها من جودنا فوق بارق شيخنا الطير حام وسحم الضرايا نعشيها من اخوانها الدار حامينها ونسوق فيها الجهام من باب مكه ليا العرض وجيانها بقيادة شيوخنا اللي جنبهم مايضام ترثة محصن جبابر نجد واعيانها هم عزنا هم ذرانا فالخطوب الجسام هم من يرجح نهار الكون ميزانها جبالنا الراسيات النايفات العضام شيوخنا الي تطول وتاصل ايمانها شيوخنا اللي ليا ثار الملح والعسام يخلون عن مسرجات الخيل فرسانها يروون روس القنا ومصقلات الحسام لاشبت الحرب فالضفران نيرانها هم منتهى المجد في نجد ومكان التمام اقذال الافعال هامتها وتيجانها اهل الثنا والندا واهل الوفا والكمام امجادهم مايهد الوقت بنيانها النايفين الجباه الشامخين الكرام عيون الاشعار هم فالمدح ميدانها والشهره اللي فخرها عبر الايام دام ترسي ويرسي على الامجاد برهانها الشاعر/فاروق بن شعيفان الكسر العتيبي |
|||||
|
|
|
|
|
|
|
|
|
|
27-Oct-2010, 04:32 PM
|
رقم المشاركة : 2 | |||||||
|
صح لساان الشاعر / فاروق الكسر المرشدي
على هذه الدره الفريده تحيتي ..
|
|||||||
|
|
|
|
|
|
|
|
|
|
|
02-Nov-2010, 07:00 PM
|
رقم المشاركة : 5 | |||||
|
شكرا اخي عتيبي ذووووووق على المرور المميز
|
|||||
|
|
|
|
|
|
|
|
|
|
|
02-Nov-2010, 10:18 PM
|
رقم المشاركة : 6 | |||||
|
صح لسان الشاعر
وسلمت يمناك ياسلطان |
|||||
|
|
|
|
|
|
|
|
|
|
|
02-Nov-2010, 11:25 PM
|
رقم المشاركة : 7 | |||||
|
صح لسان الشاعر فاروق الكسر
ولاهنت ياسلطان الفجري |
|||||
|
|
|
|
|
|
|
|
|
|
|
03-Nov-2010, 02:52 AM
|
رقم المشاركة : 8 | ||||||
|
اقتباس:
شكرا اخي مشاري على المرور المميز آخر تعديل سلطان الفجري يوم 03-Nov-2010 في 02:55 AM.
|
||||||
|
|
|
|
|
|
|
|
|
|
|
03-Nov-2010, 02:53 AM
|
رقم المشاركة : 9 | ||||||
|
اقتباس:
شكرا اخي ابن بشير على المرور المميز آخر تعديل سلطان الفجري يوم 03-Nov-2010 في 02:57 AM.
|
||||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
