اللي يبى يلعب معي يرفع يده ((الطااااارف))

[عبد الكريم العازمي]

الله الله


صح اللسانك يا خلف مليون حتى ترظى

[خلف المطيري]

صح بدنك مليااااااااار ياعبد الكريم

[فهد علي العازمي]

حنا ترانا كلبونا مسلمين= موحدّين الله جميعاً نعبده
انته غويت الدرب والسكّة يمين=وانا نظر عيني تراني مبعده

[عبد الكريم العازمي]

الله الله


صح اللسانك يا ابو سيف

[خلف المطيري]

لا ماغويت الدرب والعلم الدفين = لكن ضلع ابليس ماحب اصعده
اعزكم واجلكم ياهل البطين = اقرب من اهل الخير والشر ابّعده

آخر تعديل خلف المطيري يوم 02-Nov-2010 في 12:44 AM.

[فهد علي العازمي]

لا والله الا مير راح الدرب وين=والعرف مايطلب من اللي يفقده
يمكن يعزونك تراهم طيبين= دوّر عليهم جعل حظك تسعده

عبد الكريم صح بدنـــــك
تسلم يالغااااااااالي
هذا من طيبك

آخر تعديل فهد علي العازمي يوم 02-Nov-2010 في 01:00 AM.

[خلف المطيري]

انت اعتبرها كلبوها ضحكتين = الذنب يجرح مثل جرح الافئده
ماكنت اصدق صاحبي فكره يشين = استغفر الله يابن عاصي واحمده

[فهد علي العازمي]

صح لساااااااااااااااانك
وتشررررررفنا باللعب معك
والأيااااااام القريبة تجمعنا إن شاء الله

المعدرة عندي إستلاااااااااام سهااااااااااري لين الفجر

اشكر الجمهور والحفل والمصورين

وإلى اللقاء


سبحانك اللهم وبحمدك أستغفرك وأتوب إليك

[خلف المطيري]

صح بدنك والشرف لي طال عمرك

والله انه افضل طاروق في حياتي بالنسبه لي

امّجارا هل العلوم الغانمه مكسب وشرف

لاهنت يابو سيف

والشكر موصول لعبد الكريم الروقي

وتصبحون علي خير

[عبد الكريم العازمي]

فهد العازمي

سلام تسليمة على سمـن وسميـن=واللي يبى يلعب معي يرفـع يـده
شاعر وانا موجود من طول السنين=لكن ويـن الماقـف اللـي ننشـده

خلف المطيري

يامرحبا ترحيبـة القلـب الفطيـن=ابديبهـا للعـازمـي اوّ لـولـده
غير الشعر عقلك من المولي رزين=لاوهنـي اللـي يحكّمـك ابـلـده

فهد العازمي

دام البقى والعارضي علمه يبين=يحدّر الموضوع يـوم أسنّـده
تقولها وأقول لك قـول ثميـن=خل البيوت محكحكـة ومنقّـده

خلف المطيري

اللي تبونه يالعوازم حاضريـن=من طيبكم واقف لكم ماش اقّعده
ان كان يبغا الصدق والعلم اليقين=العازمي غالي ويبشـر بسّعـده

فهد العازمي

اللي نريده واصلينه باليميـن=واللي معه فكر ونظر مايجحده
اليا وقفنا لا تعرضنا اليديـن=والشهم ماتذخر يده ماياجـده

خلف المطيري

ماقول فيكم شي ياصحاب اليمين=بالعكس من يخطي عليكم نجلـده
انا ما عرّض من معه تقوي ودين=دربه علي وضح النقا معه اسهده

فهد العازمي

حنا ترانـا كلبونـا مسلميـن=موحدّيـن الله جميعـاً نعبـده
انته غويت الدرب والسكّة يمين=وانا نظر عيني تراني مبعـده

خلف المطيري

لا ماغويت الدرب والعلم الدفين=لكن ضلع ابليس ماحب اصعـده
اعزكم واجلكـم ياهـل البطيـن=اقرب من اهل الخير والشر ابّعده

فهد العازمي

لا والله الا مير راح الدرب وين=والعرف مايطلب من اللي يفقده
يمكن يعزونك تراهـم طيبيـن=دوّر عليهم جعل حظك تسعـده

خلف المطيري

انت اعتبرها كلبوهـا ضحكتيـن=الذنب يجرح مثل جرح الافئـده
ماكنت اصدق صاحبي فكره يشين=استغفر الله يابن عاصي واحمـده

صحة الأسنتكم والله لا يهينكم أثنيناتكم أطربتونا