الزلامي وووو صياف الحربي <<< قديم 2

[فهد رشيد الزلامي]

السلام عليكم / محاوره قديمه تجمع إثنين من عمالقة شعر المحاوره يتحدثون عن محاولات جرت تلك الفتره لإلغاء شعر المحاوره ووصفه بألجاهليه والمطالبه بحداثة الشعر من قبل أكاديميين سعوديين يحملون الشهادات العليا في تخصص الأدب العربي<<< كما سمعت من الوالد الله يطول عمره.



الــــــــــــزلامــــــــــي
يا سلامي ها السلام اللي خفيـف ٍ دمّـه=معه جنسية ويبغى لـه جـواز سعـودي
مشكلة صياف صارت بين ابـوه وعمّـه=والسبب ناس ٍ تدق الملـح والبـارودي


الــــــــحــــــربـــــــــي
مرحبا بالشاعر اللي مـا قـدرت آذمّـه=الليالـي مـا تغيّـر والزمـان ايعـودي
الزلامي معه علـم وكـل شـي ايهمّـه=مير لو يزعل تغيّـره الليـال السـودي


الــــــــــــزلامــــــــــي
كيف تدلي بالشهـادة يـا كبيـر الذمّـه=وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه=والعرب فالصيف تعرف عدها المـارودي


الــــــــحــــــربـــــــــي
العلوم اللي تحـط النـاس راس القمّـه=حبلها من يمكم يـا صاحبـي معقـودي
ثوبك اللي ما ينوش الأرض غير ابكمّـه=نزله للجمرة اللي فـوق راس العـودي


الــــــــــــزلامــــــــــي
ودي اكشـف غلطتـك للعالـم الملتمّـه=أنت حربياً تطالبنـي بـورث اجـدودي
يـا محبيـن العقـال ومنكريـن العمّـه=خصمكم في الآخرة عبد الله المسعـودي


الــــــــحــــــربـــــــــي
أنتم رجال الشـرف وعظامكـم منسمّـه=أعبروا ذاك الطريق وحملكـم مشـدودي
أنت ما تدري عن البارود ليـن اتشمّـه=مير لا ترمي بها فالـوادي المسـدودي


الــــــــــــزلامــــــــــي
لوّ يا صياف علمـي تمسكـه وتضمّـه=تاجده مثل العسـل وألا حليـب القـودي
أنت تحسب جدنـا داب يمـوت بسمّـه=مير أنا باذل لنصره طاقتـي وجهـودي


الــــــــحــــــربـــــــــي
يقطع الله ديرة اللي مـا يعـرف الجمّـه=والتجـارة يالعتيبـي بابهـا محـدودي
قبرك اللي في تهامـه بالتـراب اندمّـه=تحفره بالليل الأظلـم والعبـاد رقـودي

[احمد منير الواصل]

سلمت اخوي فهد ويعطيك العافيه

[عيد بن مرضي]

لاهنت على النقل محاوره رائعه


الله يرحم صياف ويطول بعمر الزلامي

[شمروخ ابن عايد]

ياسلام ياسلام

ابدع الزلامي في صوغ معناه , وأعتبره شاعر المحاورة الأول الله يطول عمره .

وازين شئ انه قال واضعاً عبدالله المسعودي خصيم عن كل الشعراء الشعبيين , ويمثل اعترافه بالمكانه العالية في الشعر للمسعودي رحمه الله , وهذا اعتراف يحسب لأبو جميل

خصمكم في الآخرة عبدالله المسعودي

[فهد رشيد الزلامي]

أشكركم جميعا على المرور المميز
وتقبلوا تحياتي

[فهد الزهراني]

بيض الله وجهك ياسمي

هذا هي المحاورة اخي ابو تيجان وهذا نفس المعنى اللي ذكرت ان ابو جميل ذكره في لقا ء بقناة فضائيه

تحياتي لك

[الـحـنـشـ]

هنا فيديو :

[ابو فايح]

طاروق رائع جدا


وسبك وحبك فريد


ومعنى واضح جدا أنه في الأديب الحربي




ازهموا لي خلف العارضي يقولون لنا

وش رايه في طريقة سبك المعنى من رشيد

وكيف يرى تركيب الأبيات وجمالها من رشيد الزلامي



لاهنت يا فهد على النقل

التوقيع

عالم تويتر abofayeh@

[الـحـنـشـ]

المحاورة الكتابيه فيها أخطاء إملائيه كثيره وإختلاف عن الي في الفيديو

[نادر العش]

.

الله الله على الطاروق ..
ماشاء الله عليهم كلهم ..

توظيف للمعنى بشكل رهيب جداً ..

مشكلة صياف صارت بين ابوه وعمه 100% 100% 100%



الله يرحم صياف ويطول عمر الزلامي ..


ومشكور يا فهد الزلامي .. ولايهون الحنش على مقطع الفيديو ..




.