هل توافق أن تُسجن في القفص الذهبي من خارج القبيلة

[نايف عريب الجد]

المشاركة الأصلية كتبت بواسطة عكاش

اذا قصدكم نتزوج من القبيلة علشان نخفف من العنوسة انا ماعندي مانع اطق اربع من بنات القبيلة زي اللوز وخلال سنة وحدة واصير ضربت اربعة عصافير بحجر واحد بس عندي شروط وهي:

1- تعطوني فله دور تحت وشقتين فوق وملاحق في السطح وكل واحد تمخطر لها في قسم من الفلة

2- مهر كل وحدة مايتعدى عشرة الالف ريال

3- مافيه قصر افراح وغداء وعشاء واجيب شعار علشان كل واحد يمل كرشه وليا خلص للصفوف تهزهز قدامة يقعد يتفرج ويشرب شاهي لين يهضم ثم يرجع للبيت يحط راسه وكل هذي فوق راسي وتسديد ديون لين عيالي يتوظفون ويشيلون باقي الدين عني

اذا ضمنتو لي هالثلاث شروط من بكرة البس بشتي واطق على اقرب عتيبي اخطب بنته وبعد ماينتهي شهر العسل من عندي شهرين تبحبح بها العتيبية والشهر الثالث البس البشت واطق على العتيبي اللي في الحارة الثانية وعلى هالحالة لين تتم السنة وكون اوفيت بشرطي


غير كذا انا حر ان شاء الله اطق سورية مهرها مايتعدى 15 الف ليرة وتلقاها تعرف تطبخ 100 نوع من الاكل شي محشيات وشي تبوله ومتبل وشي سلطات وشي مشويات واليا جيت من العمل قالت تابرني ابن عمي يابعد الفرق بعداه ومع هذا ماحب اشقر عصى القبيلة واقول ثلاث شروط واطق اربع مهيب وحدة

من قرا بداية الرد ماراح يكمل ياعكاش هههههههههههههه

يارجال ماهي سوريه عاد قلنا نخالف هايم بس بحدود المعقول يعني بنت حمووله وقبيله معروفه مهو علشانك علشان عيالك وشذنبهم خوالهم بكره تبوله وحمص هههه
لكن اربع وتشترط يدفعون لك القبيله مهر كل وحده فهذي مهي بشينه وفكره منتازه