الزلامي يغمز للجذع

[ابراهيم الجـــــذع]

صحة أبدانكم جميعاً

شرفنا مروركم

التوقيع

الذم ما يهفي للأجواد ميزان=والمدح ما طول قصار الأيادي

[علي الثبيتي]

طيب طيب

لاتزاحم لك هوامير ماعندك رصيد= العرب تعرف حصيل الفقير والثري!!
طيع شوري وابن بنيك على الساس الجويد=جوز من رزق الحرامي ورزق المفتري!!

التوقيع

ماني بلا روقي ولا برقاوي = انا ثبيتي جد روق وبرقا

[ابراهيم الجـــــذع]

لا تحسب الواسطه تدفعه مع كل سيد=من يكبر لقمته تعترض وسط المري
محتسي شلفا أبن غانم وسيف أبن الوليد=ما يضدونه هل الحوت وأهل القمبري

[علي الثبيتي]

استلم الختام من عندك ومشكور على تلبية الدعو ه يابو نايف

والله ان الواسطه تغلب الراس العنيد= وان بغيت الصدق منها ترى منته صري!
ودي انك كل ما زادو الكيله تزيد=وتلعب الكسره وتلعب لحون السامري!!

[فهد الشهيب الثبيتي]

الله الله

طاروق كايف

صح لسانك يابو فهد وصح لسان ابراهيم وبيض الله وجيهكم

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[ابراهيم الجـــــذع]

صح السانك يا أبو فهد

واشكرك على الدعوه

أنت عندك راي وأحيان ما يطلع سديد=استمع وجهة نظر من يبيع ويشتري
تالي الأيام ما بين عمر وبين زيد=من يخطف الجمر خطفه لتمرٍ سكري

[ماجد العصيمي]

صحت الالسنه والقلوب