بالحيل يا ابو رغد بالحيل غصة نحر =ما والله ادري عن الاسباب وش جابهـآ؟
قدام سن العشر دقيت باب الخطر =ومشاكل الوقت قدمي شرعت بابهـآ
عرفت شي (ن) كثير وباقي ادهى وامر =والعين ما كف وابلهـآ عن أهدآبهـآ
أظلم علي الدهر ما شفت نور السفر =بقعـا تحث المسير وتشعب ركابهـآ
بيني وبين السعـآده صار موت حمر =ما عاد تشقى بلامايه ولا اشقابهآ
ياللي تبون الخبر ما عاد عندي خبر =القصه الغامضه في صدر كتابهـآ
الثلج لا صار من فوقه وتحتح جمر =يذهل عقول الرجال اللي تلاهابهـآ
والحاجب اللي يحلى فيه هلال الشهر =يازين تحته وساعآ سودآ بأهدابهـآ
والموت لا بان شي من ألباب النحر =اشوف شلفى ذياب وشفت مضرابهـآ
السالفه (كل ابوها )جات بالمختصر=رضيت بالواقعه لو قبل مرضابهـآ
رميت باقي الحقايق وسط غبة بحر =لو ترسل ابليس مات ابليس ما جابهـآ
يا هيه يا اصحابنـآ ياللي سكنتو هجر =تفسرون العلوم وساجد ادرابهـآ
البنت بنت الفخر لو جات في المؤتمر =يا كثر حسادهـآ يا كثر خطابهـآ
ولو غاب نور البدر يطلع بداله بدر =والشمس يضفي عن الانظار جلبابهـآ
الشاعر ساجد صح السانك=
« آخـــر الـــمـــشـــاركــــات »
العرض المتطور
