اليوم حصلت على جائزة 500.000

[ابوفارس المقاطي]

السلام عليكم ياربعي

موضوع بسيط يحتاج التفاعل والأنتباه

اليوم وانا اتغدا بعد مافضنا من صلاة الجمعة وعقب القهوه الا هذا الجوال يوم دق وعلى الشاشة رقم غريب .. قلت خير يمكن من بعض الشباب اللي الأتصالات قطعو جوالهم كعادتهم ومغير رقمه ... المهم فتحت السماعه وقلت الوووو .

قال المتصل ( هندي الجنسية ) الوو مبرووك انته فوز 200.000 ريال
انا قاعد اتغداء والعيال حولي
قلت كيف وش قاعد تقول . قال انته فوز مبروك ماشاالله 200.000 ريال
عاد انا اذكر اني سويت مسابقة قبل كم يوم وحطيت كوبون وطرت علي هالسالفه وانا من غير شعووور نزلت اللقمه اللي في يدي وقلت له من وين المسابقة ؟
قال من مكتب سعود الفيصل وزير الخارجية صلحوا اختيار حظ نصيب على كثير جوال رقم وبعدين انته اختيار رقم سواسوا عشرة رقم ( هاذا بلهجته الصمرمدي ) قلت في بالي قام الحظ واللي حولي يستمعون في الحوار الجاري ولايدرون وش فيه المهم .

قلت له زين المطلوب
قال رقم حساب انته ورقم بطاقة مبروك ماشاالله مافيه كلام احد ثاني سريع ارسل رقم بطاقة وحساب وسكر السماعة .

عرفت انها نصبه غبية . قال ايش عطني رقم حسابك ولا تعلم احد

دقيقتين ودقيت عليه ورد الو مبروك انته فوز 500.000 الف ريال سريع 10 دقيقة وارسل رقم حساب .

استغربت قبل شوي 200 والحين 500

قلت ياويلي على مسكتك ياليتك قريب
قال كيف قريب
قلت لا قريب ويرسل رقم حساب ... قال خلاص انتظار سريع .

واسكر وادق على الداعم الرسمي للجريمة ( stc )

الو اذا كنت واذا كنت ومن الخرابيط اللي خابرينه وتسعدني خدمتك وهاذي خدماتهم بطاقات بدون اسم يستخدمها المجرمين والحرامية وبياعين المخدرات وعشر دقائق لين رد علي العنصر . الو مرحبا قلت هلا يااخي فيه واحد دق علي وقال انت فزت .. قال ايه وقال لك عطني رقم حسابك قلت صحيح قال عندنا خبر . هاذا نصابين يتحايلون على الناس . وقلت له والله قال ايه وقلت له ومن يساعدهم على الناس المساكين لو طاحوا على شايب مسكين وسلبو ماله من ينفعه .
قال وش تبيننا نسوي قلت تدرون عنهم ونصابين وساكتين يعني انتم يد العون له هالنصاب والمجرم وبياع المخدرات .
قال انا مافي يدي شئ اللي علي ارفع شكوى ضد هالرقم عن طريقك ونتهي كل شي .

عرفت ان لا حياة لمن تنادي وسكرت .

وقلت في بالي اللي يأجر شقة لشخص مجهول ومن غير مرور على مكتب عقار يعتبر داعم للأرهاب
وكذالك سيارة او جواز مستعار وغيره وغيره الى الخ ...
وانا اقول اللي يعطي شريحة بأسم مستعار للمجرم او الأرهابي او المروج وش نقول عنه

انا اجاوب عنكم

( من جهز غازياَ فقد غزا )

[فهد الزهراني]

والله كثر التحذير منهم لا وفقهم الله

والاس تي سي اكبر حرامي ومن يشرع له حرامي من هيئة الاتصالات الراقده

شكرا لك

[فهيد الايدا المورقي]

والله فيه ناس كثير يمشي عليهم المقلب ويعطونه رقم الحساب


ابو فارس المقاطي لاهنت على الطرح


تحيتي

التوقيع

حسابي في تويتر faheed_1234

[((ابو حمزة ))]

وش سالفتك مع الاتصالات السعودية يا اخي

لا يكون شغال في زين

[سحيم الروقي]

اثرها ضحكه!!

بغيت اقول الحذيه اول ماشفت العنوان ههههه

لكن هذولي يصلح لهم حساب فاضي وعطهم وشف نهايتهم


تحياتي لك

[ابوفارس المقاطي]

هلا اخي ابو حمزه الضرب في الميت حرام شكلك من كثر ماانصبو عليك الأتصالات ماعاد تحس



لو يدري حمزه ادريس عن ردك يمكن يزعل عليك

اشتغل في زين ولا في شين جاك العلم

[فهد علي العازمي]

عز الله إنه دق علي رقم خارجي يقول في بيتك الأن 200 الف ولار مخبأة في مكان سري
وان صليت إستخارة وتحلمت برقمك وودي أساعدك
قلت لا شكرا ما ابي
قال موقعها قريب وسهل بالمرة والموضوع بسيط
قلت الف شكر ما أحتاج المبلغ وسكرت في وجهه
((أخذت ام العيال شهر وهي تلفت يمين ويسار بغت تهد الجدران على روسنا:d))
بعد يومين يدق علي ويقول لو سمحت أبيك تحول لي مبلغ بسيط أنت مسحور ابي اطلع السحر عنك
قلت لا لا طال عمرك خله أنا كذا مستانس وسكرت في وجهه
آخر شي دق علي يتلفظ بألفاظ سوقية ردية للغاية وهو فالبداية مسوي شيخ ويستشهد بالقرءآن والاحاديث

[ابوفارس المقاطي]

هلا اخي فهد الرقم اللي جاك خارجي بعيد صعب القبض عليه

لكن ...... !
الرقم اللي كلمني داخلي من شركة الأتصالات سوا

على العموم نبهو الجميع منهم ما استمرو هالنصابين الا انهم قد صادو كم واحد .