حبّيب العازمي + زبن القــاضي

[متذوق الشعر]

الشاعر الكبير مستور العصيمي يهدي الشاعر المبدع زبن القاضي لقب شاعر الهيلا
وأيده في هذا الشاعر الكبير حبيّب العازمي
وابو نهار شاعر مبدع ونال هذا اللقب عن جداره
واليكم هذه المحاوره التي دارت بين حبيب العازمي وزبن القاضي حول الموضوع
وسوف تعرض على قناة المرقاب قريباً

مقطع صوتي للمحاوره



حبيب العازمي

هات الخبر يازبن بن نهار= ياشاعر الهيلا وقاضيها
انته مرشحك اكبر الشعار=مستور قايلها واغنيها

زبن القاضي

ابشر بعلمٍ يعجب الانظار=كلمتك هذي جزم لاحميها
يقولها مستور مايحتار= شهادته والي الفخر فيها

حبيب العازمي

ان كان جاك اللي يقول يسار=ان ماتحماها منت راعيها
لاتحسبن النار مثل ا لغار= النار تحرق رجل واطيها

زبن القاضي

مادونها الا الصارم البتار = ارقاب عدواني يوطيها
السوق غالي والرجال احرار=والا الطغم ماحدن يناحيها

حبيب العازمي

الحظ يخدم والكبار كبار =مير الكبيره لاتدربيها
يامحتزم باللي لها شنكار= لاترمي الشاره وتخطيها

زبن القاضي

اللي مايفهم سلموه شهار = لايبلش العالم ويغثيها
انته حزامك من طعام النار=احفظ عيارك قبل ترمهيا

حبيب العازمي

كثرت جنون الناس من يختار=من كثرها يغلط فاساميها
اليا بنيت جدار هد جدار=من هدها ماعاد يبنيها

زبن القاضي

اهم شي الخائن المكار=اللي على راسه يضويها
اللي يهد جدار وضعه غار=ماهوب انا والله يسويها

[جمال العضياني]

الله الله

محاورة عمالقه,,,,,
حبيب وزبن,,,,,,

وابو نهار يستاهل اللقب,,,,
و
كفوا له ان شاء الله,,,,

شكرااا على النقل يافاقد غرام,,,,,

[الكنق]

الله الله

صح لسان الشاعرين الكبيرين ابوفيصل وابونهار


لاهنت يالفاقد

[مـحـمـد الـيـامـي]

مع اني ما اعرف زبن بن نهار

ولكن ونعمً به

وشاعر الهيلا (( ســفــر بن ســعــد الــدغــيــلــبــي ))

بدون قصور في العتبان كل ابيهم

[ماجد السميري]

شعار عمالقه


يستحقون الاحترام والتقدير


وابو نهار يستاهل بلاشك


لاهنت ياصاحب الموضوع

التوقيع

قالوا ليا غاب العصيمي وابوفيصل مع رشيد=تبى تنافسنا على الساحه شواعيـر البلـد قلت اطمأنوا ياعتيبه واسمعوا علمن وكيـد=موجود حمدان ووصل والعازمي وابوسعـد افضل خلف لفضل سلف والعد راهي بالمزيد=والله لتبطي رايـة الهيـلا ترفـرف للأبـد مــــــــــــاجد العــــــــتيبي ambh90@hotmail.com

[ذيب الجوخ]

اللقب أكـــبر من زبن الــــقاضي مع كل أحترامي الشخصي له
والكـل ودي يصير شــاعر الهيلا وشاعر قبيله وشاعر وطن

[راعي الشوشلية]

رائع كما عودتنا بجديدك


تقبل مروري

[ابو فايح]

طاروق رائع جدا


لقب عظيم وابو نهار قدها وقدود



وموضوع ظهر بقوه في الساحه قبل الصيف وبدايته كانت في حفلة الأحساء التي جمعت (حبيب وزبن ومستور وملفي )



وأعدكم بطاروق رائع جمع بين (ملفي المورقي وعلي العضياني ) حول هذا الموضوع


لاهنت يا فاقد غرام

التوقيع

عالم تويتر abofayeh@

[فهد علي العازمي]

صراحة زبن القاضي شاعر كبير بما تعنية الكلمة من معنى

بس مظلوم إعلاميا وعلى مستوى الحفلات هناك قلة في توجيه الدعوات له
والسبب يعود لإنه شاعر خلوق وشاعر معنى متزن
لايرغبونه لإنه لايسطّع المعنى
لإنه لا يسيء للقبائل ويتعرض لها بالكلام البذيء السيء
ولو إفترضنا جدلا أن ابو نهار أتخذ هذا الطريق لكثر المهللين
ولكن رسالتي له ولجميع الشعراء
الإبتعاد عن التعرض للسب والقدح في القبائل ولو كلّف ذلك كثيرا



ملاحظة ياشاعر الهيلا وقاضيها ((مدري عن حبيب ما تظمنه))

آخر تعديل فهد علي العازمي يوم 20-Oct-2010 في 01:48 AM.

[الجوراسي]

زبن غير انه شاعر لايحتاج شهادة من أحد فهو رجل وقرم وكريم سبال وحموي

وعيون الحاسدين فيها مسمار