صحيح ماكلٍ وجد ماتمناه

[مشعل جويبر الجعيد]

أحبائي في منتدى الهيلا
أسعد الله أوقاتكم بكل خير

إليكم هذه المشاركه المتواضعه والتي تعتبر كأول إطلالة لي عبر هذا المنتدى الرائع الذي يحوي كوكبة من ألمع نجوم الشعر سواءً في النظم أو المحاورة

واعلم انني قد تاخرت في نشر مايخصني من قصايد في منتدانا الغالي وبعد توجيه انتقادات

لي من بعض الكرام قمت بالوصول متاخرا الىيكم ولكن على قول المثل(العذر ماعبي الا للاجواد)

أتمنى أن تنال على إعجابكم واحظى بنقدكم الهادف وتقبلوا تحياتي

هلت دموعي فوق خدي سكايب=إليا ذكرت اللي على البال طرياه
انا اشهد انه غير كل الحبايب=شكله ومنطوقه وطوله وممشاه
اللي على متنه يهل الذوايب=جديلٍ اشقر ماش مثله وحلياه
يضفي ليا هبت عليه الهبايب=ريح الشمطري فيه والعود يزهاه
والوجنتين اللي بها الدم رايب=كل السعاده شفتها في محياه
والعسل من فوق الشفاتين ذايب=الله يحلو العسل من شفاياه
اليا ابتسم يشفي جروحٍ عطايب=صف الجواهر كلها في ثناياه
من دون خلي بالي اليوم طايب=اجوز عن كل العرب وتنصاه
اتعب على شانه وحث الركايب=من شان ابي قرب الحبيّب ولاماه
مير البلا قفى لعين الصلايب=طال الزمان ولا قدرت اكسب رضاه
من طيلة الفرقى غدى الراس شايب=صحيح ما كلٍ وجد ماتمناه
لن مت حطوا فوق قبري نصايب=يمكن يجي المحبوب صدفه ويلقاه
خلاص انا عن سكة الحب تايب=حب البني مسموم والموت فاتلاه

وسلامتكم

[نايف المغيبي]

الاخ مشعل الجعيد
اشكرك من كل قلبي على هذه القصيد الغزليه الجميله

[محمد العتيبي]

مشعل الجعيد



صح لسااانك على هذه القصيده الرائعه ..



استمتعت بقرائتها ..



تحيتي لك
..

التوقيع

للتواصل عبر twitter تويتر al_bargawy@

[محمد الشامان الحشيبري]

هلا هلا هلا بالشاعر مشعل الجعيد وصح لسانك ومعذور والينا بالمزيد من روئعك الشعريه تقبل مروري

القلب خضر والمشاعر رقيقه هههههههههههههه

[ابو نادر الحافي]

مشعل الجعيد



صح لسااانك على هذه القصيده الرائعه ..


, ولاهنت وتقبل مروري .....

[علي الثبيتي]

حياك الله يابو جويبر في منتداك وبين ربعك الهيلا

وقدام فتره كلمني عنك الشاعر بندر سعيد الثبيتي قال تعرف مشعل الجعيد قلت مدرب الصفوف قال


ماغيره و قال هذا شاعر نظم وعنده موهبه ليش ماتسوي له دعوه في منتدى الهيلا قلت الرجل عضو


في الهيلا ولكن ماشفت له مشاركات وبعدها ارسلت لك رساله ماجاني رد والحمد لله اليوم اقراء اول

مشاركاتك وصح لساااااااااانك على هذي القصيده الرائعه


ولي بعض الملاحضات وارجو منك ان تقبلها بصدر رحب :

والعسل من فوق الشفاتيـن ذايـب >>> لوقلت كن العسل فوق الشفاتين ذايب


الله يحلـو العسـل مـن شفايـاه <<< الله ياحلو العسل من شفاياه

----------------------------------------
من دون خلي بالي اليـوم طايـب >>>> هنا لو قلت من غير خلي


اجوز عن كـل العـرب وتنصـاه



تحياتي لك يامشعل ولا تحرمنا جديدك

التوقيع

ماني بلا روقي ولا برقاوي = انا ثبيتي جد روق وبرقا

آخر تعديل علي الثبيتي يوم 17-Oct-2010 في 05:47 PM.

[عيضه الثبيتي]

صح لسانك يابو جويبر



قصيدة رائعه



تقديري

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[سعد حميد الثبيتي]

قصيده رائعه بروعة صاحبها وليس عليها نقد او ملاحظات تقبل تقديري بكل صدق وامانه والى الامام

[ابو شوق الازوري]

مشعل الجعيد



صح لسااانك على هذه القصيده الرائعه ..

[فهد علي العازمي]

صح لسااااااانك يابن جويبر

قصيدة جزلة ما عليها كلااااام

لا تحرمنا جديدك