ابراهيم الجذع شب النار !!!!!!!!!!!!!!!!

[ماجد العصيمي]

انا ماهقيت الذيب يضحكبه الفار=ولاصوات تفضح مانوى منتخبها
غريبه عجيبه يالجذع بعض الافكار=سواة الجروح اللي مايعرف سببها

[ابراهيم الجـــــذع]

أنا اشوف من لا يعرف الشعر شعار=وهذي يدليها والأخرا جذبها
ترا الحق مثل السيف صارم وبتار=ويقطع يدين الباطل اليا ضربها

التوقيع

الذم ما يهفي للأجواد ميزان=والمدح ما طول قصار الأيادي

[ماجد العصيمي]

ياكثر القرود اللي يلدون الانظار=على كثرها مالله محقق طلبها
على كل مرقابن ثمانين سبار=وفارس وحيد اللي مسبب تعبها

آخر تعديل ماجد العصيمي يوم 16-Oct-2010 في 04:03 AM.

[ابراهيم الجـــــذع]

ترا للعرب حشمه وشيمه ومقدار=وراع الفتن ناره يزود حطبها
وترا اللول ما يطلع لك ابكل محار=ومهد الذهب معروفةٍ من ذهبها

[ماجد العصيمي]

انا عارف ان الموت قصاف الاعمار=ومن دور السهله مايطعم صعبها
ترى ما على الموضوع ياربعنا استار=ولا احدن يلحق كل نفسن نصبها

شكرا يابراهيم الجذع لتلبية الدعوه وصح لسانك

آخر تعديل ماجد العصيمي يوم 16-Oct-2010 في 04:48 AM.

[ابراهيم الجـــــذع]

يا ماجد وراك اتدور في وسط دوار=وعينك عن اللفات يغضي هدبها
ترا الناقه اللي ما تضير على حوار=تروح مسوح ومن يجي يحتلبها

[ابراهيم الجـــــذع]

صح بدنك يا الغالي

أنا اللي اشكرك على الدعوه

[راعي الشوشلية]

صح السنـتكم ياشعـار

&

تقبلو مروري