المطيـري طالـبٍ لـلأسـم بـرهـان ودلايــل=مار من كثر الدعاوي ما نجيـب الا الجديـده
وش نسمي من يحرّف فالنتايج والمسايل=والأسامي ما تصير الا على افعـالٍ وكيـده
زياد الشطيطي
اسمنا ياصاحبي من وسمنا مابه محايل=مـن طلـب منـا زيـاده مـن لوازمنـا نزيـده
قبل لاتشهر بسيف وقدم لاتعن الاصايـل=الفهيم اللي يعس وبعدها ينوي شديـده
ماجد السميري
والنعم ياصحابنا من غيـر قاصـر فالقبايـل=واسمكم منقوش فالتاريخ والدنيـا مديـده
الخبر ياصاحبي منشور في كل الوسايل=راجع التلفاز والـرادي وصفحـات الجريـده
زياد الشطيطي
ماعلاكـم زود وانتـم قـوم تذبـح كـل حـايـل=يـوم مـدات الليالـي يـا ولـد عـاقـل زهـيـده
اشهد انه يستحـق اللـي لقـا راع المثايـل=والعبيدي لا يتسمى غير في سودة عبيده
ماجد السميري
الوفا من بيننا والطيب وفعول الجمايـل=مار فالميدان نبغى اللعب قيفانه وقيده
ودك انه يوم اخذها بالحقايق والفعايـل=مادخل فيها فـزوعٍ مـن مواليـن البديـده
لـو نشـب النـار ياماجـد تضيـعـون القـوايـل=خلها ما دامها تمشـي علـى نهـج العقيـده
شالها بلهان لكن قول لي ويش انت شايل=لا وقفـت يميـن ياماجـد ولا روّحــت سـيـده