يامرحبا ترحيبةٍ تلحق مراويح السحاب // الطارف

[ابراهيم الجـــــذع]

هلا وغلا أخوي مرزوق

صح بدنك يا الغالي

شرفنا مرورك

التوقيع

الذم ما يهفي للأجواد ميزان=والمدح ما طول قصار الأيادي

[فهد الشيباني]

*

اللي على وكر الغراب يدور اشباه الغراب = ماالومه اليا قلت صقر الجو فوق وحيده
يااهل القمم كيف القمم من دونها نار وعذاب = حسبي على اللي قوله يضاهي كلام السيده

[فهد الشيباني]

ماجد العصيمي / سفير العصمه


حياكم الله وشرفتونا بمروركم


لاهنتم .

[فهد الشيباني]

هلا وغلا يامرزوق متابعتك محط اهتمامنا .

[ابراهيم الجـــــذع]

إن كان عينك ما تميز فالحضور وفالغياب=من ما حصل بعض العرب قبل العياد معيده
السالفه يا صاحبي ما بين ضرس وبين ناب=منته بباني يا ولد مشيب صروح مشيده

[فهد الشيباني]

*

حتى انت ياابراهيم فالدعوى مثل وضع السراب = واللي ليا منه بغا يضرب يدز وليده
ان كان حضك ياعديم الراي ينطحبك هضاب = باعطيك من عندي قلاده ولا اقول قليده

[ابراهيم الجـــــذع]

مادام ما تقبل كلام الصدق والعلم الصواب=عود وتلقا لك مع اصحاب العصيد اعصيده
خل القلاده في رقبتك زاهيه بيض الرقاب=وأخذ الك معها ثوبٍ أبيض بالعوافي بيده

[ابراهيم الجـــــذع]

صح السانك يا الغالي

إذا حبيت تختم أختم

عندي ضيوف الآن

[فهد الشيباني]

*

ياصاحبي لو كان ما بعد الحياه الا التراب = ليه الكلام اللي تقوله ماش زول اييده
ابسئلك من راسك قدحت القول ولا من جواب = جاك يتمايل من مراسيله من اقصى بليده

[فهد الشيباني]

صح بدنك ياابراهيم ولاهنت


بالتووفيق .