مهرجان الغاط الشعري يتجه للهاويه !!!!

[ابو شرف]

صباح الخير للجميع

انا بصراحه عقبت على الموضوع اكثر من مره بصراحه ابشوف رايكم كلكم

كنت اتمنى القى جواب يفيد الكل رغم انه في كلام في محله ورايي من راي بعض الشباب

لكن فيه نقطتين مهمه محد علق عليها

ليه ما يكون السبب في اقامة المهرجان بهذه الصوره ومن الزاويه المهمه زاوية حضور الشعراء المتكررين

المهرجان بكل امانه مو مهرجان عايدي عشان يحتكره بعض الشعراء

لا الكل يعرف انه مهرجان رسمي ويرعاه السديري وترعاه رياجيل شروى من يقرا كلامي

النقطتين المهمه اللي حبيت انوه عليها

ليه ما تقولون ان الامير معجب بكذا شاعر ويحب يسمع له ويعجبه حضوره والكل ما يتكلم عن جماهيرية تركي بكل امانه

النقطه الثانيه ليه ما يكون من ضمن الاسباب في حضور هؤلاء الشعراء المتكررين للمهرجان انه طلب جماهيري من اهل الديره وبكل امانه محد ينكر حضور ملفي وتركي

رغم انه في اخطاء في حضورهم مع بعضهم البعض

وسالفة سفر والله محد يدري فيها ومحد منا من اهل الشان اللي يعرف الاحداث اللي حصلت من خلف الكواليس لسفر

اتمنى من الجميع امنيتين

لا يلحقون بعض الشعراء كلام نحن في غنى عنه ولا نريد لسمعة المنتدى ان تنزل للاسوء

الامنية الثانيه

الابتعاد عن العنصريه اغلب اللي وقفو مع ملفي من عتيبه واللي وقفو في صف تركي من مطير

واحب انوه على آخر نقطه

محد ينكر طلب حضور الثنائي الرائع بكل امانه

حبيب العازمي ومستور العصيمي

فما بالك لو انه وصلنا لدرجة انه ثنائية ملفي وتركي تتغلب على ثنائية العازمي والعصيمي

كلنا نعلم ان رضى الناس غاية لا تدرك

وكلنا نعلم جدية هذه المقوله "لولا اختلاف الاذواق لبارت السلع"

اتمنى من الجميع الرضى التام لمحدثكم...

وجهة نظري حبيت انقلها لكم

وآسف على عدم حضوري للمنتدى والمشاركه فيه بشكل يومي لظروف انشغل بها

محبكم""محمد عبدالله شرف الثبيتي

وتقبلوا مودتي وخالص شكري وتقديري,,,

آخر تعديل ابو شرف يوم 27-Sep-2010 في 11:07 AM.