بين الماضي والحاضر !!!

[بن روق]

بين الماضي والحاضر !!!
بين الماضي والحاضر ؟؟؟
بين الماضي والحاضر (زد صدودك)
زمان الله على يااااااااااااام زمان
ياناس تعالو نشوووووووف ا يام زمان
- زمان كان الشاب الى يغازل ...ينقزون عشره فى حلقه يطقونه ويربونه ....
-اليوم عشره يلاحقونه .....يشجعونه .....يشاركونه ....ويطاردون الضحيه معه ...
- زمان كانت الى تمشى بالسوق والعبايه على كتفها هى الى تلفت الانظار ....يقال ... ياستر الله ...ويش ذى الفاصخه ...
اليوم الى تمشى والعبايه على راسها هى الى تلفت الانظار .... يوووووه ياهى رجعيه ...ياهى .... شكلها يفشل....
والعبايه المخصره او عباية السهره حقة بنات اليوم
وخصوصا لا جتك العبايه مخصره وشفافه تتطاير مع نسائم الهواء العليل ...كانها فستان وحده
من هالمغنيات فى واحد من هالفيديو كليبات ..... لا ومبطنه الوان ...شيئ اخضر وشيئ حمر ....وشيئ الله واعلم وايش هو لونه ...
- زمان كان الشباب يعملون المستحيل علشان يرقمون من غير ماحد يلاحظهم او يشوفهم ...يرقمون وقلوبهم مخلوعه من مكانها من الخوف ..
اليوم الشباب يتفننون فى طرق كتابة ارقام هواتفهم ...و جوالاتهم ...
لا ويكتبونها عند خطاط .... وبمختلف الاحجام والالوان وحتى لو كانت اللوحه كبر باب بيتهم ......المهم يوصل للهدف ..... والى ما يشترى يتفرج ...
واليوم ...البنات هم رواد المطاعم وبالعشرات .... ساره ومريم ومرام وريم تواعدوا بعد المدرسه
يتغدون مع بعض فى الفيصليه ....والمناسبه ....ياربييييييي ....عيد ميلاد تغريد .... والمرافق السواق ...كومار ....
ايه كومار مننا وفينا وخلاص صار واحد من العيله ...
والجرسونات فى المطعم (على قولة اخوانناالشوام )...حسام....وائل.... وامجد ....ماهم مقصرين ...مجهزين الطاوله ....وسطها بعد ورده حمره .
ويمكن مع الحماس غنوا لتغريد ....سنه حلوه ياجميل ...سنه حلوه ياتغريد .... وخصوصا لا كانت تغريد من الى اشباههم تطيح الصقر من السماء . (دقق على الصقر )
- زمان كان الواحد لا راح مطعم ....قدر يلقى له ركن صاد ومستور ياخذ راحته فيه مع اهله ......
اليوم لا دخلت المطعم ...تقول داخلن صاله افراح ....الطاولات مصفوفه جنب بعضها وكنك فى مطعم من مطاعم لندن....ويلا يازين طب وتخير ..
والى جنبك صاير كنه جالس بحلقك موب على طاوله ثانيه ...
- زمان فى نهاية الاسبوع ....ما تلقى لك ماطى رجل فى الثمامه ..... والشباب متجمعين هنا وهناك ...كشتات ووناسه ...مخيمات.....وقمره ونار حطب....
اليوم الشباب فى عطلة الاسبوع تلقاهم فى مقاهى الانترنت .....ويروح ليل ويجي ليل ...وسعود وحمد وصالح ....مقابلين هالاجهزه ...وسعابيلهم تقطر مع ان الى يسحب فيهم ...تمساح مثلهم
- زمان كانت بنات المتوسط يلعبون بالعرايس القماش ....وان بالغوا فى حركات لمراهقه ......حطوا فى ايدينهم مناكير ....
اليوم بنت المتوسط ....تمشى وفى ايدها اليمين جوال ....وفى ايدها الشمال شنطة مكياج .
-زمان كنا نتفرج على جريندايزر وعدنان ولينا و الحين ابطال الديجيتل وبكيمون
-زمان كنا نشتري الفيمتو باكياس بلاستك الحين الفيمتو بعلب ومزاز وحركات
-زمان كنا نتجمع عند الجار عشان عنده تلفزيون واليوم نعطيهم تلفزيون وفيديو ودش وبلاي ستيشن وكلها بالريموت ويقولون زهقانين
-زمان كنا لما نشوف ولد يلعب مع بنات نغني ونجننه نقول لولد مع البنات..............غزته شوكه ومات قالت امه ويه ويه........... قال ابوه ؟؟؟؟ عليه<<<----عشان الرقابه
-زمان قبل اختراع المناديل كنت تشوف الثوب برتقالي والكم اخضر !!!
-زمان لما نركب بحوض الونيت الفووورد نحس انها امنيه وتحققت واليوم يقولك لا تجيني بهالسياره فشلتني عند اصحابي
-زمان كنا نفطر خبز وشاهي او خبز وزنجبيل واووووووه ننجن لما يصير الفطور فووول والحين قبل ما توصل البيت قالوا لك ما تنسى الكورن فليكس
-زمان كنا ننام في السطح وغصب عن ملة والديك تصحى بدري من حر الشمس والحين مكيفات سبليت ويقولون دقيقه الحين باصحى
-زمان الي يغيب. في اليوم الثاني يلقى فلكه في الطابور ليكون عبرة لغيره واليوم ماما تعبان ما ابغى اروح ويا ويله يا سواد ليله الي يلمس ولدي ببلغ حقوق الانسان
-زمان كنا عايشين في فقر واليوم عايشين بنعمه الله لا يغير علينا ويجزانا شكر النعمه وبغينا لعيالنا عيشه احلى بس شكلها ما عرفنا نربيهم صح
-زمان كان جدارك لصيق جدار جارك ....ولا ونيت .... ولا قلت اه اه اه صار جارك ابو فلان .... بخمس دقايق واقف عند بابك ....ويقول سلامات ...
اليوم جدارك (جدار حديقتك ) صار لصيق لحجرة السواق الى فى حديقة جارك والى ماتدري ويش يقاله ....مع انك تصلى معه الفروض فى المسجد ...واحيانا يكون مصلى على يمينك ....
-زمان كانت اسواقنا ....اسواق ....ندخلها علشان نتفرج على المعروضات .... اليوم اسواقنا هى صالات عرض كبيره ندخلها علشان نتفرج على عروض حيه وعلى
الطبيعه ....لاخر موضات الازياء ....واخر الصرعات فىكل شيئ .... الغزل ....الجوالات ....المكياجات ....الشخصيات .... للشباب والبنات


منقووووووووووووووووووووووووووووووووووول


والله يحفظكم

[ابو غازي]

ما قصرت يا بن روق .... والحقيقة نحن في حاجة ماسه للعودة الى عاداتنا وتقاليدنا الأصيلة المستمدة من شريعة محمد عليه الصلاة والسلام ....

وتقبل تحياتي

[المطيرى1]

ابن روق اشكرك من الاعماق على نقل هذه المقالة التى تدل على انحطاط اخلاق البشر
والشباب هذه الايام والتى يسمونها تقدم وتطور حضارى والعالم فى قرية واحدة اليوم
وما مصائب هذه الامة الا ببعدهم عن عادات الاسلام وتقليدهم للغرب 0 نسأل الله لنا ولهم الهداية0
والنصيحة لكل ام وكل اب ان يربوا ابناءهم على الخلق الحسن والتقيد بعاداتنا والبعد عن التقليد الاعمى للغرب0