قصيدة (( ميناء المحبة )) شيلة بصوت ( الهاجري)

[هملان]

اسعد الله مساكم

اقدم بين يديكم هذه القصيدة

اتمنى ان تنال على استحسانكم

على هذا الرابط





ميناء المـــــحــــبه

مـيـنـاء المحبه رصـيـفـه ضاق بحشوده= وسفــيـنة العشق تسري له وتسرح له
اتخوض بحــر الهـــوى ذهــاب ٍ وعــوده= وانا عليها , لكن من طاقــم الرحله !
انرد جـمـــع ٍ يلـــوح الدمـــع بخـــــدوده= ونشــل جـمـــــع ٍ بشالات ٍ يلوح له
من ضــييع الــدرب ناخـــذ بـيـده نقـــوده= وندور الي يناسـب له ويصلـــح له
اطلـــب تجـــــد كــل ابو الخدمـات موجوده= هــذا نــذري عـليـه وذا نبـــرح له
فــزاع لاهــل الهــوى ما كــَــل مجهــوده= انســان شخصــيـتي ماهيب منتحله
ويــنــك يا ريم الفــــلا مانتي بمصيوده= اقص الاثـــار ما مريتـــه امســح له
اخطــاك قــنــاص ما يصخي بعـــبروده= وانـتي دخـلـتي مناطق وعره ووحله
انـتـي خــذيـتي مـعـي ســاعــات معـــدوده= ما شفت ما احزني وما شفت ما افرح له
تعـلـقي فــيــك س غـلطــه غير مقصــوده= وغيرك س على باب قلبي يدق ما افتح له
قــدام حــتى ولو قـلــتي الوعـد جـــوده=الوضع عــنــدي ترى شــباب في رحــله

وسلامــــــتكم

"

تم التنسيق من قبل الاشراف

[مرزوق حمدان العتيبي]

..

هملان القصيده لك او ناقلها؟

..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فهيد الايدا المورقي]

هملان لاهنت على النقل الجميل


تحيتي

التوقيع

حسابي في تويتر faheed_1234

[هملان]

المشاركة الأصلية كتبت بواسطة مرزوق حمدان العتيبي

..

هملان القصيده لك او ناقلها؟

..

لي وانا اخوك واسمي في مقطع الفيديو

[فايز بن سرحان الثبيتي]

حياك الله ياهملان وصح لسانك مادام القصيده لك

القصيده جزله والشيله رائعة ..

مرحبا بك مره ثانيه "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[هملان]

المشاركة الأصلية كتبت بواسطة بناخي الايداء

هملان لاهنت على النقل الجميل


تحيتي

يا مرحبا بك

[هملان]

المشاركة الأصلية كتبت بواسطة ابن سرحان الثبيتي

حياك الله ياهملان وصح لسانك مادام القصيده لك



لكن مقاطع الفديو لا تعمل وانا اخوك ..

مرحبا بك مره ثانيه "

الله يبقيك


بخصوص الروابط هذا شي غريب

الروابط تفتح معي في مواقع اخرى

[محمد العتيبي]

صح لسااانك ياهملان ماقصرت ..






تحيتي
..

التوقيع

للتواصل عبر twitter تويتر al_bargawy@

[خالد بن مورق]

صج السانك القصيده رائعه ابياتها ولاكن الروابط ماتشتغل صح السانك وياليت تنزلها صوتي في يوتيوب

[فايز بن سرحان الثبيتي]

تم تجديد الموضوع من قبل الكاتب فاهلا وسهلا به مره اخرى بيننا "