الذيب والشبرمي

[زايد المرشدي]

السلام عليكم ورحمة الله وبركاته
مساكم الله بالخير .. أعضاء .. زوار.. ضيوف

والمعذره ثم المعذره لأني أنقطعت فتره طويله بسبب ظروف أنترنتيه

والحين أنا راجع لكم وأنشاء الله ماتعترضني ظروف أنترنتيه

وهذي قصيده قلتها لأني لاحضت بعد سالفة محمد بن الذيب والشبرمي ناس واجد يردون عن أبن الذيب

وناس يجارون الشبرمي كأن بن الذيب والشبرمي ناقصهم شعر


مانطول عليكم .....

يالله تفتحلي مع الناس بيبان=بيبان رزقك لاتسكر عليه
وجهت لك وجهً تغشته الأحزان=ورفعتلك عشر الأصابع بريه
يالشبرمي مالي معك عنز وحصان=ويالذيب مالي معك فزعه وحميه
منتم في حاجة من يهابد بالألحان=ولانتم في حاجة من بيوته قويه
ياكثر ماينقز من الناس لقفان=فوق المشاكل يمتطون المطيه
دوارة الشهرة ولفاتت أعيان=خيارتن مابين هذي وذيه
أحدن يقول فلان أشهر من فلان=وأحدن يقول فلان مافيه زيه
أفزع مع ألي شهرته غطة أزمان=هذي طريقتهم يمال الخزيه
لحدن طلب منكم على الحق تبيان=ولاحدن تحرى رجعتك ياطميه
لاشك ماهو عيب ولافيه نقصان=تاقف مع أبن العم وقفه وفيه
وقت اللزوم أن جاك فالوقت عدوان=لاشك تظهرلك وجيهن خفيه
أما مثل هذي فلا فيه حسبان=بحر نقدله بحر وبشاعريه
خلوا جبال طويق في حرب قيفان=تضرب بعض بأبيوت شعرن قويه
ماودنا تدخل قبايل وبلدان=ولاودنا بالسب والعنصريه
وأن كان تبغى الحق بعطيك برهان=لا تستمع لأصوات ناسً غبيه
هذي تراها (يام) وأن كنت غفلان=شرابت الدم الحمر صيرميه
تقطف رقاب القوم ماهيب تنهان=مثل الورود ألي تقطف شذيه
وهذي (تميم) ألي على العز نيشان=أهل الكرم والجود ماهي رديه
أخوان تلقاهم وتلقاهم أعوان=عز الخوي نارن تجدهم وفيه
وجهة نظر والناس في روسها أذهان=تفرق مابين الصح وبين الخطيه
أقولها وأنطق بها بفم مليان=شاعر عتيبي مايخور بخويه

آخر تعديل زايد المرشدي يوم 13-Sep-2010 في 10:01 PM.

[مشـاري العصيمـي]

صح لساااانكـ وطابت أيامك

[زايد المرشدي]

مشاري العصيمي

صح بدنكــ وألف شكر على المرور

[حمدان صالح العصابين]

الله يجزاك خير


ولكن مشكلتنا من العنصرية

[زايد المرشدي]

عويرض

جزاكــ الله ألف خير ومشكور على المرور


والعنصريه مهوب مشكله ألا مرض

[ابو شوق الازوري]

صح لساااانكـ وطابت أيامك




تحياتي.................ابو شوق الازوري

[مطنوووخ روووق]

صح لسااااانك


وفااالك البيرق



حلوووه الانترنتيه ههههههههههه

ربي يسعدك


تحياااتي

[زايد المرشدي]

أبوشوق الأزوري مطنوخ روق


صح أبدانكم

و مشكورين على المروووور

[فلاح بن عايض اليامي]

زايد المرشدي
يازين الكلام الزين والصدق يازينه
صح لساااااااااااااااانك حتى ترضا وبيض الله وجهك ولاعليكم يالهيلا زود
تحياااااااااااااتي

[العــــــــابر]

صح لسانك يالذيب

وماقصرت كفيت ووفيت


تقبل مروري

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله