مليارات مهاجره

[ضاري]

المشاركة الأصلية كتبت بواسطة فهد الشيباني

والله من المؤسف أنه عندما تدخل شكرة تجد ابناء الوطن السعوديون يعملون تحت إدارة أجنبي

وهذا الأجنبي سيكون متسلط بالتأكيد على هذا الشاب لأنه سعودي !

هذا ماأجبر أغلب الشباب على ترك الشركات الخاصة و ايضا اصحاب الشركات يفضلون الأجنبي لعد مطالبته بمطالبة السعودي

لكن الله ييسر حال الشباب السعودي

مشكور اخوي على الموضوع

تحياتي

كلامك صحيح اخوي بس من قال ان الاجنبي مايطالب بمطالب السعودي الاجنبي يجي على مميزات افضل من السعودي الف مره والله والله اني شفت الاجانب كيف يجون السعودية منتفين بسرعة يولونهم المناصب ومع الاسف كثير من الاخوة السعوديين يموتون في الاجانب بس السعودي لا ليش السبب بسيط جدا انه يبا السعودي مره له الشي الثاني ان بعض الاخوة السعوديين يحبون الاجنبي لجل يريحه من العمل ويدير كل شي محله.

الطامة الكبرى ان الشركات باداراتها السعودية تتحايل على مكتب العمل يعني اذا بغوا محاسبين ممنوع الاستقدام يطلبون محلل مالي ولا تستغرب اذا قلت ان مكتب العمل قام بزيارة لشركتنا المحترمة واصبحت المكاتب خالية من الموظفين كلهم خرجوا يدورون بالشوارع بما فيهم مدير الشركة الى ان انتهت الزيارة لان مسميات المهن لا تتوافق مع طبيعة العمل يعني عامل تلقاه مدير عام او سائق او طباخ او حتى راعي اغنام.

التطور الوظيفي بالنسبة للسعودي شي صعب لكن للهندي سريع جدا واحد بالثانوية العامة خلال سنتين اصبح مدير عام ياللعجب والله ينهي عمره بموبي ماصار مدير زبالين لكن في احضان وطننا يصبح لهؤلاء شأن كبير.

واذا تكلمت معه قال حنا موجودين لثلاث او اربع سنين بس ندربكم ونمشي هذي بلدكم والحقيقة ان الشباب السعودي هم اللي يرحلوا بعد هالمدة.

سامحوني للاطالة بس تراها جت على الجرح