هل هذه القصيده لرشيد الزلامي؟؟؟؟؟

[جمهور الزلامي]

اخواني اعضاء هذا المنتدى الكرام هذه القصيده . حسب ماسمعت انها لرشيد الزلامي ولكن ودي اتاكد من ذلك ؟؟؟؟ وهل فيها نقص او زود؟؟؟


متى تاريخ هذه القصيده؟؟؟


هل فيه قصائد جديده لرشيد؟ اتمنى تعطوني الجواب الشافي .





أنا ويش أسوي في زماني يابن نماس ***زمانن مغامر والثقة فيه تخدعني
يحاول يوقفني على شفتن من ياس ***وعيت دروبن تاسع الناس تاسعني
أخذ بي على درب الشقا والعنا مرواس***ولا باقي إلا في المهامه يضيعني
تحملت من جور الليالي بدون قياس ***ولو حملها ميّل على المتن وأوجعني
وصبرن على الشدة شجاعة وقوة باس ***لكن الظروف القاسية ماتطاوعني
ليا اجتمعت الثنتين حاجة وشيمة راس ***وهذي تنزلني وهذيك ترفعني
رفعت النظر والله عطاني نظر واحساس***وهي ميزتن في كل الاحوال تنفعني
ولوكان بين الصم والبكم لي مجلاس *** هذا مايكلمني والآخر مايسمعني
حياة التجارب علمتني وأنا حساس *** وخلتني أعرف نظرة العين وش تعني
أنا لو بدت لي حاجتن عند بعض الناس *** أريد الكلام وعزة النفس تمنعني

[جمهور الزلامي]

اين الردووود؟؟؟؟

[ولدعساف]

نعم لّشاعر العلم / رشيد الزلامي .. وصح لسـانه على هذه الدُّرّه .. يورالي أن مابها نقص ولا زود ولست بمتأكد من ذلك .. وسلمت يداك ع النقل !!

,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ناصرمرزوق الدلبحي]

ابو عساف اللة يعطيك العافية على النقل






نعم لرشيد وصح لسانة





ولكن عندك خطا صدر البيت الي قبل الاربعة الاخيرة





وعجز البيت حق الصم والبكم





تقبل مروري واحترامي

[جمهور الزلامي]

ناصر اشكرك على المرووور

[مزحم العتيبي]

صح لسان الشاعر العلم رشيد الزلامي
ومشكور ياجمهور ا لزلامي

[فهد رشيد الزلامي]

حياك الله ياجمهوووووووووووووور


وصلت والقصيده كما هي

[جمهور الزلامي]

مزحم + فهد الزلامي



شكرا على المرووور