من منتدى الهيلا على الهيلا نزف التهنيه معجـــــب

[برررق الحيا]

صح السانك ابراهيم الجذع وصح السان معحب العتيبي

ومتابعيييييييييييين بتفكيك وترديد خخخخخ

واصلو قبل السحور يفوتنا والا الطاروق ماراح يفوت ان شاء الله

[معجب العتيبي]

ابراهيم الجـــــذع

من منتدى الهيلا نبارك للعرب شهر الصيام=ومن منتدى الهيلا على الهيلا نزف التهنيه
حنا ترانا مثل وصف القلب في لحم وعضام=يوم إن بعض الناس يا معجب مثل وصف الريه

معجب العتيبي

الاوله معكم نبارك للعرب في كل عام=والثانيه ياجعلها دايم تدوم الثانيه
ترا البشر في خلقته مجبول يمشي بأحترام=لكن بعض الناس غرّته الحياه الفانيه

ابراهيم الجـــــذع

يا جعلها والله على الطاعات فصيام وقيام=وتلاوة القرآن الذ من استماع الأغنيه
يا حبني للعالم اللي ما مشت عكس النظام=ما هو بجاهل رمز والا وصف والا توريه

معجب العتيبي

عزالله انك صادقٍ ياصاحبي في هالكلام=لكن وش عذر المتابع للفتن والغانيه
في تالي الايام ياكثر المدور للسلام=لو ان ابه ناسٍ تجي للشر عجله عانيه

التوقيع

[معجب العتيبي]

برق الحيا


كل عام وانت بخير


السحور لايفوتك هههههههههههه






صح بدنك

[ابراهيم الجـــــذع]

من لا تغانم رحمة الوالي على الدنيا السلام=إن طال عمره وإن قصر ما هو معديه الميه
من دورت لـ الشر تلقانا رياجيل الزحام=واللي تبا درب المعرفه ما قطعنا العانيه

[معجب العتيبي]

عينٍ تبا الجنه عن الواجب لياجا ماتنام=والعمر عند الله ماهو شانك ولا من شانيه
انا ادري انك كفو يابراهيم جعلك للرحام=والا نسيت انك يابونايف من العتبانيه

[ابراهيم الجـــــذع]

لا يا قمر عشرين يا اللي طلتك تجلا الظلام=ما زاد من فوق الميه مثل السنين المسنيه
منته قليل عرف يا معجب عليه بالحرام=وشهب الدير من وابل الامزان ما هي مخطيه

[ابراهيم الجـــــذع]

هلا وغلا أخوي برق الحيا

صح بدنك يا الغالي

وترا ما باقي على الآذان شيء هههههه

[معجب العتيبي]

لا ياقمر خمستعشر ياللي تزين ابك الحلام=مازاد قالوا زاد لو قالوا يسمى ثانيه
علمبها السهران والنايم وقل مسك الختام=ان التجارب فالحياه تعلم الانسانيه

[معجب العتيبي]

ابراهيم

باقي 27 دقيقه عن الاذان


بروح اتسحر



وعندك برق الحيا ههههههههههههه

[برررق الحيا]

المشاركة الأصلية كتبت بواسطة ابراهيم الجـــــذع

هلا وغلا أخوي برق الحيا

صح بدنك يا الغالي

وترا ما باقي على الآذان شيء هههههه

الاذااان مع نهاية الطاروق والسحور نقضيها بيوم

علمبها السهران والنايم وقل مسك الختام

والله إنك صادق يامعجب خل الناس ترزق الله وتسحر يا ابراهيم الجذع

وااااااصلو مابقى منها شي وتتم ذكاتها

صح السانك يابراهيم وصح السان معجب

وتصبحون على خير ونتابع بصمت

آخر تعديل برررق الحيا يوم 11-Aug-2010 في 12:50 AM.