أنتقل إلى رحمه الله إبراهيم العراده الاسعدي

[مرحوم يالغالي]

[b]

دقات قلبي تزيد بحرتنـ فيها ××× والدمع من مهجتي بالحزن ذرافي
من لوعة يا عسى ربي يجليها ××× حمى غشتني بغم وتنفض أطرافي
ليت الليالي تعود بحلو ما ضيها ××× هيهاتي ترجع بما روَّح وما طافي
كل(ن) يعزي وأنا روحي أعزيها ××× لرحيل أبوي اللي بالأفضال معطافي
آهـ من الوقت والدنيا أثنِّيها ××× دنيا تفرق شمل بالحيل تنعافي
بسمتك يا والدي ما ني بناسيها ××× تضحك إذا شفتني بالخير متعافي
علمتني المرجلة بأبهى معانيها ××× وأرويتني المعرفة من منبع صافي
مسجدك مشتاق للآية وتاليها ××× ومنبرك من عقب ما فارقت له طافي
غرشة دهن عودك بدرجك أغطِّيها ××× أشم ريحه وكنك مقبل(ن) لافي
نظارتك شلتها حزني يبكِّيها ××× حتى المساويك ناحت بين الأرفافي
وعصاك مسنودة(ن) جيت أبحاكيها ××× تقول يكفيني ما فيني ترى كافي
وبستانك اللي به النخلات تسقيها ××× يبست سواقيه تمره دون خرافي
يبه .. يبه .. يا يبه لمن بأطرِّيها ××× هني من له أبو حي(ن) وينشافي
أفز مشتاق والأشواق ناسيها ××× إلى شفت شايب شبيه(ن) لك بالأوصافي
فضايلك يا يبه عجزان أوَفِّيها ××× لو وصلت بالشعر بيت الألف من قافي
فنجال قهوة معاك أوقات نغليها ××× ويضمني بالشتاء في مشلح دافي
همزت رجليك أنا أفدى مواطيها ××× أرجي لبرِّك عسى ما تشكي خلافي
يا ربي تجعله للفردوس ناصيها ××× ومن ثمار الجنان قطَّافي

[/b]

عسي مثواكـــــــ الجنهـ ربي يرحمك يا اغلي نااسي اللهم : إن : أبي: فى ذمتك وحبل جوارك فقه من فتنة القبر وعذاب النار وانت أهل الوفاء والحق فأغفر له وارحمه إنك أنت الغفور الرحيم اللهم امينـ