مساكم الله بالخير جميعاً

[اصمعي عتيبه]

اشكرك يابارود علي تواضعك اللي يدل علي اخلاقك الحميده ومقبول اسفك كلنا اخوان وراح انتقابل انشالله

[عبد الرحمن الفرهود]

طيّب............طيّب

ماهقيتك تغيّر سيرتك والسلوك = ناهي النفس لكن حظك اللي رماك
حسبي الله عليهم يالجذع دهوروك = مار مالك ترى من خف هرشي فكاك

[ناصر الشلاحي]

صحت اللسنتكم على هذا الطاروق المميز

[ابراهيم الجـــــذع]

أنت وزنك خفيف يقال يوم وزنوك=والبحر قدم وجهك والجبل من وراك
حسبي الله عليهم يومهم ورطوك=خف هرشك وراك وسبب الله عماك

[عبد الرحمن الفرهود]

مسقي الشبرمه ماقد جنا غير شوك = والمقادير ماهي في هواي وهواك
عاتب النفس يوم اليدين اقضبوك = لا تدوّر رضاي ولا تحرّى رضاك

[ابراهيم الجـــــذع]

أذن الديك حتى صحصحن الديوك=وأنت صحصحت لكن نبرت الصوت كاك
أنت رايد قضا نرسلك فوق المكوك=مير منته مخير بين هذا وذاك

[عبد الرحمن الفرهود]

لاتصدّق كثير الناس لاومّروك = فيه بعض العلوم اللّي تعدّا ذكاك
ياجبل ماتحسّب للعرب لارقوك = طوّل الله بقاي وقصّر الله بقاك

[ابراهيم الجـــــذع]

بشروك الآوادم عقب ما باشروك=ما عطيناك غير اللي على مستواك
أنت وين أنت ساري يا الحجاج الضحوك=فالجذع ويش رايك عقب قام اولاك

[فهد الزهراني]

الله يعطيكم العافية

محاورة جميلة ووممتعه

وقافية خفيفه ومحببه للنفس

تحياتي لكم

[عبد الرحمن الفرهود]

المشاركة الأصلية كتبت بواسطة فهد الزهراني

الله يعطيكم العافية

محاورة جميلة ووممتعه

وقافية خفيفه ومحببه للنفس

تحياتي لكم

حيّاك الله يافهد وشكراّ على المرور