العازمي=
ياسلام الله على روس الرجال من الرجالي=فالمحل اللي يجيب اله الفخر سمعة عتابه!!
درْجوها ياعصيم بساحة الغفله ليالي=لين تبرك فالصفا والعد ماتطعم شرابه!!
سعود العصيمي=
مرحبا ترحيب ليله غير عن كل الليالي=غير عن كل الليالي والليالي ماتشابه!!
وش غدالي فالليالي فالليالي ماغدالـي=لاكثير ولاقليل وعلم عيد يعرف بابه!!
العازمي=
البخيل اللي جوابه مايشابه للسوالي=تشفق الدنيا على الاموات مافتّش زهابه!!
مشلحك لاتلبسه وتحط للغتره عقالي=كان ماتنصاك شرهات العرب مع كل جابه!!
سعود العصيمي=
ابشر اني درع جنبك فالجنوب وفالشمالـي=لين اشوفك معترض لي ثم اعرفك الحرابه!!
كلها من حر مالي من جنيه ومـن ريالـي=البلا عانه باخوك التوم فسر لـي كتابـه!!
العازمي=
كل مارحنا وجينا شفّنا عدٍّ زلالي=سبة الفتنه على غير السنع قل المهابه!!
يالعصيمي والله انّي مغتني من راس مالي=لاتحذف المشكله وانته مسويلك عصابه!!
سعود العصيمي=
لاتعدي غير في راس الطويل من الجبالي=ديننا دين الرسول ونهجنا نهج الصحابه!!
فيك من ريش الغراب وفيك من دم الغزالي=كل علم تحسبه ياعيد نحسب له حسابه!!
العازمي=
شوكة الميزان رجحها شغاميم العيالي=ماتميلها العدا والسيف عزه من نصابه!!
كان مضحي للحقوق ابسط على المعنى زوالي=لاتضلّي تدّرج والشك حولك والغرابه!!
سعود العصيمي=
انت وش رايك لياقلنا ترا مالـك مجالـي=العرب تاريخها محفوظ يرضي من قرابه!!
لاتكثـر فالعلـوم ولاتطـول فالجـدالـي=النقا من طبعنا والسم من صابه غدابـه؟؟
العازمي=
كنّها في صدرك اللي مطعمٍ مرٍّ وحالي=قبل يجرفها مسيل السيل من وبل السحابه!!
اصف ياعد الروى والا تعدّتك الحبالي=باليدين الطايله ماهوب ضعف ولا نهابه!!
سعود العصيمي=
انت تحداني علـى ذبحتـك وانـا ماطرالـي=مار ابا اعفي عنك من باب الرفاقه والقرابه!!
لاوردت ارد وميرادي علـى الجـم الزلالـي=وانت وارد لك عدود حولها شـك وغرابـه؟
« آخـــر الـــمـــشـــاركــــات »
العرض الشجري