اتمنى تكون المحاوره مباشره

[السبيعي فلاح]

مساء الخير كل الموجودين

الشاعر ابراهيم الجذع صح لسانك ملايين

الشاعر عابر سبيل صح لسانك ملايين


متابعين للجزاله والامتاع؟؟؟؟؟

[ابراهيم الجـــــذع]

هلا وغلا أخوي فلاح

صح بدنك يا الغالي

اشكرك على الإطراء والمتابعه

[علاي الحافي]

القلب مايدخله خوفه والراس في راس مشراف =يومن كلن زاد خوفه القلب مايدخله خوف
انته تغلا ونت معيوف والي يعاف الناس ينعاف = العذر يالنفس العيوفه انته تغلا ونت معيوف

[علاي الحافي]

ابن عاقل

السبيعي فلاح

حضوركما له طابع خاص

لاعدمناكم

[علاي الحافي]

يا مرحبا طـوفٍ ورا طـوف اعـداد مـن يسعـى ويطـاف = ترحيبـة الطيـب معروفـه يـا مرحبـا طـوفٍ ورا طــوف
اليا لقيت احروف واحروف جبت النقط والدرب ينشاف =واللي فتح عينه يشوفـه اليـا لقيـت احـروف واحـروف
الك البقا والطيب معروف بين العرب والناس عراف = والناس بالخير مكلوفه الك البقا والطيب معـروف
اليا لقيت الحرف محذوف نبني على وضعه بمحراف = انقوط ونقوط محذوفه اليا لقيت الحـرف محـذوف
ترا الذهب فالسوق مصروف وأنا تـرا حاظـر وصـراف = أحذر من الوقت وصروفه ترا الذهب فالسوق مصروف
فتح عيونـك زيـن وتشـوف الحـذف مـن قـدام وأخـلاف = شـاف الهـدف والا يطوفـه فتـح عيونـك زيـن وتشـوف
الي ييشيل الخيش والصوف ماله مع اهل الطيب ميقاف = الحمل عانه على كتوفه الي يشيل الخيـش والصـوف
لاصرت باني على الشوف اهدافهاء والشوف كشـاف = الوقت والحظ وضروفه لاصرت باني علـى الشـوف
العلـه اللـي داخـل الجـوف تخلـي الرجـال خــواف =الوصف ما نجهل وصوفه العله اللي داخل الجوف
على كذا ماني بمكلوف فاللعب لا سجلت الأهـداف = واللي وقف يحما وقوفه علـى كـذا مانـي بمكلـوف
القلب مايدخله خوفه والراس في راس مشراف = يومن كلن زاد خوفه القلـب مايدخلـه خـوف
انته تغلا ونت معيوف والي يعاف الناس ينعاف = العذر يالنفس العيوفه انته تغلا ونت معيـوف

[ابراهيم الجـــــذع]

مدام وضعك صار مكشوف ترا المعارك وسط واطراف=جنب عن الحرب وسيوفه مدام وضعك صار مكشوف
الرمح وقع وسط شرشوف والسلف يبرم ترس حذاف=والخبل من طبل دفوفه الرمح وقع وسط شرشوف

[ابراهيم الجـــــذع]

صح السانك أخوي عابر سبيل

تشرفت باللعب معاك

إذا حبيت تختم من عندك ما فيه مشكله

[علاي الحافي]

المشاركة الأصلية كتبت بواسطة ابراهيم الجـــــذع

صح السانك أخوي عابر سبيل

تشرفت باللعب معاك

إذا حبيت تختم من عندك ما فيه مشكله

صح بدنك ولسانك يالجذع

والحقيقه انا من تشرف

تقبل تحياتي

الحافي