الجمع والضول

[غالب الذيابي]

.
.
.
ابراهيم الجذع ..


لافض فوك على مانضمت ..سعدت بالسجال معك..

.
.
.
.

غالب الذيابي

سلام تسليمة اللي يوم مر الجمـع والضـول=سلّم وعاجوا له الارقاب من رد السلامـي؟.
وين انت ياللي تباري هقوتي وتصول وتجول=نبا نعس الديار ونفـرح الربـع الحشامـي

ابراهيم الجذع

يا مرحبـا يـا هـلا ترحيبـةٍ تاصـل بمرسـول=من واحد الغير رب الكون ما صلى وصامي
يا اللي تنادي ترانـي فاللقـا مانـي بمجهـول=اكرب حزامك وأنا في لازمي واكرب حزامي

غالب الذيابي

عطني علوم السنة هذي وخل اللي لها حول=مبطي وانا للعلوم الطيبة جيعـان ضامـي
فتحت للموجعة بابٍ وهـو قـدام مقفـول=لكن من فوق راسك شال غترتك الحرامي

ابراهيم الجذع

الدار محكوم وأنته عـن هلـه منتـه بمسـؤل=وحدودها يوم تمشي من عدنها روح شامي
توقولها وأنت اظنك يا الذيابـي واحـدٍ كـول=ما هي بكول اتصال الكول في هذي نظامـي

غالب الذيابي

صدقت في حال ، واما الحال الاخر هول في هول=لو كان هي صدق شفت بيوت مع عـدة خيامـي
ان كان مانجّـح الدعـوى غـلامٍ يحتـم القـول=راحـت علـى فالهـا حاميـت والا لاتحـامـي

ابراهيم الجذع

اظـن عيـن الذيابـي خايلـة بــراق وثـعـول=مير المطر عقب حول فالوطا ثار العسامي
روح وبلقاك لو أن الطريق يطول ويطـول=مدام سيفي حديد يقـص صلبـات العظامـي

غالب الذيابي

أيّا القمر ، وأيّ نجمٍ منزله ماهوب منزول=عطني للاثنين وصف ولا تبالغ فالكلامي
كان القمر ماحجب نوره غيوم أعيد وأقول=ياحي والله ليال وحي جـلاي الظلامـي

ابراهيم الجذع

وين أنت بالله ساري عقب جاك العلم مفتول=هذي تراهـا غشامـه منـك مـع كـل احترامـي
أنت بنهاية شهر يا صاحبي والجـو مدهـول=لكـن حـي الثعـول وحـي سيـلاً جـاك طـامـي

غالب الذيابي

بواردي مار منته مثـل ابـو عـرام ناجـول=لو شلت مشط المشوّك والسواري والحزامـي
يوم استوت لك فهقت وخابرك من ماكر زحول=يمكن تبا تحرق اعصابي وتلحقنـي ملامـي

ابراهيم الجذع

تراي سجلت فيكـم قـول والثانـي هـذا قـول=لا بـد اعلمـك ياللـي معـي تلعـب بنتظـامـي
تقديركـم يـا الذيابـي فيـه جيـد فيـه مقبـول=كرس جهودك وأنا خابرك يا الحر القطامي

غالب الذيابي

رديتها ( قول) يوم السيف بان وجاك مسلول=ماباقي الا تسوي مثل مـا سـوّى النعامـي
مقبول جيد ماعرفه ماعرف الا قول وفعول=لابان راسي تشوف الجمع ما يمشون امامي

ابراهيم الجذع

عود مع العزلا يا صاحبي فالعزل معزول=ما عاد عندك سلاح الا مقربـت المرامـي
هذاه من قل عرفك يالذيابي شيء معقول=والقوم مقدارها يا صاحبي هدفا السنامي