سلام تسليمة اللي يوم مر الجمع والضول = سلّم وعاجوا له الارقاب من رد السلامي؟.
وين انت ياللي تباري هقوتي وتصول وتجول=نبا نعس الديار ونفرح الربع الحشامي

ملاحظة: المحاورة للأسماء الصريحة.

يا مرحبا يا هلا ترحيبةٍ تاصل بمرسول=من واحد الغير رب الكون ما صلى وصامي
يا اللي تنادي تراني فاللقا ماني بمجهول=اكرب حزامك وأنا في لازمي واكرب حزامي

المشاركة الأصلية كتبت بواسطة ابراهيم الجـــــذع (المشاركة 1064500) يا مرحبا يا هلا ترحيبةٍ تاصل بمرسول=من واحد الغير رب الكون ما صلى وصامي يا اللي تنادي تراني فاللقا ماني بمجهول=اكرب حزامك وأنا في لازمي واكرب حزامي

احييك يابراهيم. واسمع لاهنت

عطني علوم السنة هذي وخل اللي لها حول=مبطي وانا للعلوم الطيبة جيعان ضامي
فتحت للموجعة بابٍ وهو قدام مقفول=لكن من فوق راسك شال غترتك الحرامي

الدار محكوم وأنته عن هله منته بمسؤل=وحدودها يوم تمشي من عدنها روح شامي
توقولها وأنت اظنك يا الذيابي واحدٍ كول=ما هي بكول اتصال الكول في هذي نظامي

المشاركة الأصلية كتبت بواسطة ابراهيم الجـــــذع (المشاركة 1064509) الدار محكوم وأنته عن هله منته بمسؤل=وحدودها يوم تمشي من عدنها روح شامي توقولها وأنت اظنك يا الذيابي واحدٍ كول=ما هي بكول اتصال الكول في هذي نظامي

صدقت في حال ، واما الحال الاخر هول في هول= لو كان هي صدق شفت بيوت مع عدة خيامي
ان كان مانجّح الدعوى غلامٍ يحتم القول=راحت على فالها حاميت والا لاتحامي

اظن عين الذيابي خايلة براق وثعول=مير المطر عقب حول فالوطا ثار العسامي
روح وبلقاك لو أن الطريق يطول ويطول=مدام سيفي حديد يقص صلبات العظامي

المشاركة الأصلية كتبت بواسطة ابراهيم الجـــــذع (المشاركة 1064516) اظن عين الذيابي خايلة براق وثعول=مير المطر عقب حول فالوطا ثار العسامي روح وبلقاك لو أن الطريق يطول ويطول=مدام سيفي حديد يقص صلبات العظامي

أيّا القمر ، وأيّ نجمٍ منزله ماهوب منزول=عطني للاثنين وصف ولا تبالغ فالكلامي
كان القمر ماحجب نوره غيوم أعيد وأقول=ياحي والله ليال وحي جلاي الظلامي

وين أنت بالله ساري عقب جاك العلم مفتول=هذي تراها غشامه منك مع كل احترامي
أنت بنهاية شهر يا صاحبي والجو مدهول=لكن حي الثعول وحي سيلاً جاك طامي

المشاركة الأصلية كتبت بواسطة ابراهيم الجـــــذع (المشاركة 1064520) وين أنت بالله ساري عقب جاك العلم مفتول=هذي تراها غشامه منك مع كل احترامي أنت بنهاية شهر يا صاحبي والجو مدهول=لكن حي الثعول وحي سيلاً جاك طامي

بواردي مار منته مثل ابو عرام ناجول=لو شلت مشط المشوّك والسواري والحزامي
يوم استوت لك فهقت وخابرك من ماكر زحول= يمكن تبا تحرق اعصابي وتلحقني ملامي

تراي سجلت فيكم قول والثاني هذا قول=لا بد اعلمك ياللي معي تلعب بنتظامي
تقديركم يا الذيابي فيه جيد فيه مقبول=كرس جهودك وأنا خابرك يا الحر القطامي