الزلامي وحمود بن زامل ,محاورة رائعة

[ذيب الخلا]

محاور رائعه جدا بين شاعرين لهم وزنهم جرت في رنيه بحضور شعار آخرون منهم ملفي وتركي الميزاني وسعد بن جدلان والحقيقه مثل هذه المحاورات تطرب السامع وتسمى شعر أما بعض المحاورات فتأتي بناس يجمعون الكلام ويكشفون المعنى هذا اذا كان هناك معنى أصلا وأنا أعتبر ما يقولون ليس شعرا
اتمنى من الجميع التحليل والسؤال اين القنبله ؟ بالنسبه لي ما بين القوسين
الزلامي
سلام في حفل عطران الشوارب سبيع = قوم ن ليا رحت اعد القوم (عديتها)
من يدري الوقت هذا صيف والا ربيع = تعال ياحمود حلل كلمه اوحيتها
حمود
يا مرحبا بالرجال اللي نظرها رفيع = عتيبه اللي في نجد وعالي ن صيتها
حللتها في ضميري صاحبك ما يضيع = واليا ركزتو هدفها ما تعديتها
الزلامي
انت ياللي بسوق العرف تشري تبيع = المعرفه تنوجد يا حمود في بيتها
سلمت من لدغة العقرب وشوك النقيع = والا المصايب على دربي توطيتها
حمود
تقولها ما عليكم زود سيلك وريع = وارضيك لامن غلبك العلم وارضيتها
تقولها والخطر موجود في كل ريع = مريتها من صلاة العصر مريتها
الزلامي
ايامنا الاوله راحت علينا قطيع = والارض قدامنا قامت عفاريتها
حمود حاول يعالجها ولا يستطيع = وانا بغيت اكحل العينين واعميتها
حمود
خل المواتر تسابق في الطريق السريع = وش عاد لو يختلط ماها على زيتها
صاحبك شايب ترا ماهوب طفل ن رضيع = وايامك الماضيه ونيت واطريتها
الزلامي
بلاي يوم اعرف ان حمود ذوقه رفيع = صنعت له قنبلة صدام واهديتها
لو الوداعه غدت قلت البلا في الوديع = لكن ربي عقلها واسترديتها
حمود
العلم ما يجهله يكود خبل ن صديع = اهديت لي قنبله لكن رديتها
تراك عندي عزيز وزبدتك لا تميع = واليا نصتني وجيه الخير حييتها
الزلامي
لو ما شفعلك ولي العرش مالك شفيع = قامت عليك السباع اللي تمثنيتها
وشلون لوجوك هل حداد واهل القريع = قالو هذيك الطماعه وين وديتها
حمود
ياهيه ياللي على الطاروق تقرع قريع = اليا لقيت السباع الشهب حديتها
القوم لامن لفتنا ماندور منيع = ان كان خاويتها وان كان خليتها
الزلامي
وراك ما عاد ترمي بالسلاح الرجيع = جاتك نمونه جديده تو سويتها

[العفريت]

ياسلام يا سلام

بيض الله وجهك ياذيب الخلا

[ابو فايح]

سلام في حفل عطران الشوارب سبيع*** قوم ن ليا رحت اعد القوم (عديتها)

أعتقد أن الطاروق كله بني معناه على هذا البيت



( عديتها ) بمعنى تجاوزتها وشقحتها فالعدد


وأعتقد ان حمود لم يلتقط ما مرره الزلامي


واخرها يقول الزلامي صنعت لك قنبله صدام وأهديتها

التوقيع

عالم تويتر abofayeh@

[الجوراسي]

ياسلام على الطاروق الرائع

والزلامي مرر في البيت الاول والمفروض ماحد يصدق المدح في ساحة المحاورة

بس حمود يعتقد البيت الاول تسليمه مافيها معنى

ولكنها محاورة قوية جدا

والزلامي بلاشك متفوق