سرح فكري وضيقي طلع في نايف المرقـاب=لمح دار من الغربـي مساهـا دوم محرومـه
سكنها من هجرني عام الأول بـدون أسبـاب=وأشوفه كل مايبطي يزيـد الشـوق لقدومـه
واقول القلب تاب من الهوى واثر الهوى ماتاب=يجدد كل عثـرات الزمـن ويبعـث همومـه
حسبت ان الهوى طب يداوي قلبي المنصـاب=خسارة ماتت جروحي بوسط القلب مسمومـه
اهوجس من شقاءعمري وانا توالشعر ماشاب=واحاول افهم علومي ولـو ماهيـب مفهومـه
اجامل واخفي دموعي واراعي قلبـي الكـذاب=واحاول اخفي همـوم كثيـره بـس ملمومـه
اسولف كن في يديني من احداث الزمن اكتاب=وانا اسولف من جروح بوسط القلب مكتومـه
ونوب لا جلست اسكت تقول بوسـط اجنـاب=ولاحد ياخذ علومـي ولانـي باخـذ علومـه
صبور ولو قسى وقتي وبيـن لليالـى نـاب=صبورلو يسهرني ويقطـع طـاري النومـه
سريت بلبله قمراء ودرب كل ابوه اهضـاب=غصبت الرجل تمشي له وروحي فيه ملزومه
سريت ودربي يروع مشيته ماحسبت احسـاب=مادام اللى ورى دربى جروحي سبة اسهومـه
رسمت اسراري بدفتروعديته من الاصحـاب=واقدر صحبته لوهي بقايا جـروح مرسومـه
اذا ضقت وفتحته ذكـرت المدرسـه والبـاب=عرفت اشلون ساعات القلوب تكون مظلومـه
بنيت من الوله خيمه وحطيت العروق اطنـاب=وخفوقي بارسمه طفل ربى محروم من يومـه
وانا ادري كل مافيني سبايب نظرتين اعجاب=رماهن من حكم قلبي وخلا الـروح محكومـه
طلبتـك يالله الولـي طلبتـك يالله الوهـاب=تعدل كل عثرات الزمـان وتجلـي همومـه
صح لسانك واسمحلي على التنسيق 
« آخـــر الـــمـــشـــاركــــات »
العرض الشجري