شوارب تنحشم

[عوض بن عايض العتيبى]

بسم الله الرحمن الرحيم

مساكم الله بالخير
لكى نتواصل معاكم وضعت هذه القصيده المتواضعه بين ايديكم ...... لالاللتواجد من غير شى بل للتواجد من اجل شى يرقا الى مسامعكم .



يلو يضيق صدر الوقت دايـم
ماضيق صدرنا لوهـو يزايـم
نراعى دورته ونقـول بكـره
يقفى ماغطا شمسـه غمايـم
زمانى لـو تجفانـى سعيـده
مرده مفطرن ماهـو بصايـم
مسير الحلـم مايبـرق علينـا
يسوق الحظ بغيـوث الغنايـم
يزيح بسيلـه لشـح الليالـى
ويزهر وقتنا جـزل الوسايـم
نـودع همنـا وهمـوم شيـن
يشيب عيننا جـوره هضايـم
يكون الوقت لو شنيت غـاره
متونى تـردع لفقـر السهايـم
عزائى فـى الـهٍ قـد تجـلا
على سبعن تغطيهـا النجايـم
كفل رزق الخلايق من بدايـة
جفاف الصحف من خط الكلايم
انا مثلى مثل غيرى مجـرب
صداقة ناسـن تـرز العمايـم
عرفت لصحبة علوم السعـاوه
حباله قاصره ماهـى صتايـم
تغطى نوها من حـدر كذبـه
بزيف الضحك تسقيك السمايم
يقلطلك بصحن الكذب هـزلا
عظام هروجها بانـت تهايـم
سمان الهرج ماداجت بجوفـه
مضرى خاطره هلس الرخايم
على قفر المقفى جـر شدقـه
مغير يشادى لجـرب البهايـم
يلامز غيـرك بكذبـن تهيمـا
اناءك ناضحن جوفـه ولايـم
انا لستو بمن بـاس الدراهـم
لغايه توصلـه حـد الجزايـم
انا شاعر اسطر من شعورى
بحورن تغرق عدودن عدايـم
وعندى زايـدن قـادر اقولـه
ولكن تردع حروفـى سلايـم
يهيه انته على غصنك تناعـق
تفصـل كيفهـا ماكـان لايـم
شوارب تنحشم من شان لحيه
وشوارب تنقصر ماهى حشايم


وسلامتكم

[@ـايل]

ياسلااااااام ..


عزائى فـى الـهٍ قـد تجـلا
على سبعن تغطيهـا النجايـم
كفل رزق الخلايق من بدايـة
جفاف الصحف من خط الكلايم



جزله يا عوض العتيبي مصافحه رائعه منك وصح لسانك وقلبك

والله يحييك في محلك

ولاتحرمنا جديدك وقصيدك

ملاحظه : لأنك احد اعضاء المنتدى ارى نقلها لقسم قصائد الاعضاء

..

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[المرعـب]

صح لسانك واعتلى شانك

قصيده رائعه بروعة قائلها