فراج من كاس المراره تقهويت

[ربح السبيعي]

هذي قصيده وجهتها لشاعر الكبير/فراج ابولسان السبيعي

فراج من كاس المراره تقهويت=حتى لو انه ماعني لي بصبه
من مالمحت بطرف عيني وما اوحيت=شياً يهز القلب لوكان صبه
ناس بجهلها ودها تحيي الميت=وتموت إللي يداوي الجرح طبه
حاولت اعدل جهلها لاكن ازريت-=في غمق نوم(ن) مانفعبه منبه
لما درست الوضع منه استشفيت=ان الطريق العمس يوجع مطبه
من بعدها عن ما هوى قلبي انحيت=حتى لو ان القلب مغرم بحبه
حتى لو الهاجوس يرهي على البيت=احاول إني قدر الأمكان اكبه
وش رايكم ياطيب العرف والصيت=رأي الاديب إللي يصوغ الأدب به
وانا ليامني لرايك توحيت=اضرب برايك رأي غيرك واجبه

ورد علي الشاعر فراج بهذي القصيده

ياربح ابن خالد احلول الخطا هيت=في عصر سهاج العنا والمسبه
لوتنقل العجراء وتزرع دناميت=وهذا تفخخ له وهذا تدبه
حصيلك الراجح هروج الشماميت=ويقال راع المخطيه منت ربه
وش عاد لو انك نصحت وتقصويت=نصحك كما حذفت حصاة(ن) بغبه
وأن قلت ابيها ردد اللو والليت=وان قلت أثنيها تحر المسبه
وقتن يابو خالد ضروفه معاميت=ماشفت سرحانه تعشاه ضبه
زمان طيحني وقص التواليت=احسن لنا عن سبته نحتسب به
وسبيت عانه ياربح حط له بيت=وين البخيت إللي يجيه ويطبه
من عقب ماكلن رحم حالت سبيت=ذالك المثل ذلحين ماينضربه
لاكن رايي كان لراي ناديت=رأي(ن) حسب رغبتك ضمه وذبه
ان شفت في وضع العرب نحس وبخيت=نشبان لا يطرحك حبل النشب به
اشوفها ياربح نار وكباريت=مابين بارد راس واحمق ودبه
عينت خطلان اليدين المناعيت=حتى زعلك يبرقون العرب به
وانا بعد من جور الايام عانيت=وقتي نكد عيا يزين الطرب به
حثيت رجلي لين حفيت وكليت=مافيه درب(ن) مارميت السبب به
مللني الحال الغبر لين مليت=مابه عجب في وقت كل العجب به
حسب اعتقادي وانت بيديك ماشيت=ياشاعر(ن) درب المكارم تنبه

[ربح السبيعي]

مايصير ياعتيبه لها ثلاث ايام القصيده ماجاء عليها ولا رد


كان فيها ملاحظه اذكروها وكانها غير مناسبه في هالقسم احذفوها وانها تستاهل الرد ردو

[عبدالله الفهد الاسعدي]

صح لسانك ولسان الشاعر فراج

قصيده جميله ورد وافي

تقبل مروري

[محمد الشامان الحشيبري]

الا صح لسانك


وعلى شانك

شاعر كفو مبدا طيب


ورد شاعر وافي

[ابورازن فالمريخ]

صح لسانك ولسان فراج قصايد وافيه وبيض الله وجهك

[ولدعساف]

الله الله ..

صحة ألسنتكم ..

والعذر والسموحه يالسبيعي كان الرد تأخر ماهو قصورٍ في قصيدتك لكن المنتدى كل دقيقه موضوع ..

إحترامي وتقديري ..

,,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ربح السبيعي]

المشاركة الأصلية كتبت بواسطة عبدالله الفهد الاسعدي

صح لسانك ولسان الشاعر فراج

قصيده جميله ورد وافي

تقبل مروري

صح بدنك ولاهنت

[ربح السبيعي]

المشاركة الأصلية كتبت بواسطة الشامان

الا صح لسانك


وعلى شانك

شاعر كفو مبدا طيب


ورد شاعر وافي

صح بدنك ولاهنت على مرورك الرائع

[ربح السبيعي]

المشاركة الأصلية كتبت بواسطة راكان ابن مساعد

صح لسانك ولسان فراج قصايد وافيه وبيض الله وجهك

صح بدنك ووجهك ابيض

[ربح السبيعي]

المشاركة الأصلية كتبت بواسطة راكان ابن مساعد

صح لسانك ولسان فراج قصايد وافيه وبيض الله وجهك

صح بدنك ووجهك ابيض يالذيب


تقبل تقديري