محمد صالح العطاوي
سلام ياهل الوفا والطيب في كل حال=من شاعرأيعشق الجزله ويحريبها
اليل دوبه بدى والبرق عرض الخيال=ولافيه ديره يجي ماسيل اشعيبها
عز الرفيق
يامرحبا يامسلم ياهلا رح تعال=واللي يغنيبها محمد نغنيبها
الله يجيب المطر والخير يابن الحلال=يسقي ديارن عزيزه عاوين ذيبها
محمد صالح العطاوي
الك البقا يالمرحب وانت ضمن الرجال=واللي يود العلوم اكيد بيجيبها
الوقت مابين ميلاته وبين اعتدال=والقوم قدمك تفتل روس اشانيبها
عز الرفيق
هات العلوم الجزيله وخذ منا جزال =ياطيب قومن تقف للقوم ياطيبها
ياصاحبي لا وردنا العد نشرب زلال=والقوم اقابل لها وكسر مشاعيبها
محمد صالح العطاوي
ياكثر مافالبلد ياصاحبي من جبال=لكن قلي عشان الناس تدريبها
ياكثر ما سمع هذاه الهرج دايم يقال=مار انتبه لاتضيعها وتسريبها
عز الرفيق
اجبال قبلك وبعدك فالبلد لاتزال=ياللي تبا تعدها وتعيد ترتيبها
ان كبرت السالفه وان كان طال الجدال=واشيب عينك من الايام واشيبها
محمد صالح العطاوى
الناس راحت يمين وصاحبي فالشمال=عنده علومن قديمه قام يحكيبها
مال الحموله يابو عرام غير الجمال=وسود الليالي صعيبه ينكشف غيبها
عز الرفيق
صاحبك ياصاحبي عدى بروس الطوال=يومن بعض العرب ضاعت هناديبها
اجمالها مبركه ومعقله بالعقال= وام الكباير عساها ينفري جيبها
محمد صالح العطاوي
يانعم ياصاحبي عساك تبقي ليال=مدام قلبك فطين العين ياطيبها
ياهيه ياللي تخلطون الحرام وحلال=وشفيك بعض المساجد ماتصليبها
عز الرفيق
اليا عطيت الريال يجيك سده ريال=واللي سرت لا تجي ياهيه ضاويبها
ماكل مسجد تشوفه مذنن به بلال=هذي خطايا العطاوي ويش اسويبها
محمد صالح العطاوي
الرحله اللي تشيلك يم دار الخوال= عساك تصبحبها عساك تمسيبها
راحت عليكم يابو عرام والحول حال=ياجعل بنت الهلالي ينقطع صيبها
عز الرفيق
وشلون تطلب جواب ان كان مابه سوال=لاعاد تقعد كذا تقبل وتقفيبها
اقول تبغى الحقيقه لو عطونا مجال=يانص شعاركم لانتف اشنيبها
« آخـــر الـــمـــشـــاركــــات »
13-May-2010, 11:49 PM
العرض المتطور
