حاكم الغنامي=
هلا بالشاعر الحساس راع الموقع الحساس=وانا الليله تراحيبي جديدة فـي طريقتهـا
ولا ياطول ليلك يارعد لودقـت الاجـراس=تبا تتعب من الساعة وتتعب من دقيقتهـا
العمده =
لعلك للبقا والعلم كلـه مـع صليـب الـراس=وكيـد ام الكبايـر مـا يطـول الا صديقتهـا
يقولون الرجال السوق في وسطه ذهب ونحاس=وانا اقول المعـادن تظهـر الشـدة حقيقتهـا
حاكم الغنامي=
عن اسرار البحر ماني مكذب كلمة الغطاس=يقول الكنز دونه غبـةٍ تذبـح غريقتهـا
خبيب الريم جايه ديم مايحتاجله عسـاس=يسد ام العبيد وبنتهـا وايضـا شقيقتهـا
العمده =
اخذ علم العوارف واكتبه بالحبر فالقرطـاس=قبل روحك يصافحها الفناء من زود ضيقتها
على هام السحابة طول عمره يشهر القرناس=ولا يأكل من الحرجه ولا يشـرب مريقتهـا
حاكم الغنامي=
اثر روحك تنفس يارعد وتلاعب الانفاس=ليا سميتها عطني خبر واذبح عقيقتهـا
علامك تشعم النيران ياللي للقشر مقباس=تبا تشعل حريقتها وانا اطفـي حريقتهـا
العمده =
انا ابو دباس وانت الليلة اعدك محـل دبـاس=احنك من غرابيـل الزمـان ومـن عزيقتهـا
على شان الحصيل اللي مع الحطاب حبل وفاس=وقدامـه جبـالً شامخـه ماهـي مطيقتـهـا
حاكم الغنامي=
بعد زل اللسان وصاحبه ماعاد الـي مجـلاس=ولو ضاقت علينا الارض ماضاقـت خليقتهـا
انا الشرهه علي احسب عيونك ماغشاها نعاس=واثرها غاطسه في نومها من عقـب فيقتهـا
العمده =
جمال عقيل ما فيها جميل ولو طواها الياس=نمدا الها حبـال الطيـب والدنيـا معيقتهـا
ابن حنبل فقيه القوم ما يغويه ابـو نـواس=بحور الدين من منشاه ما يجهل من عميقتها
حاكم الغنامي=
جمال عقيل ماضريت على الحوى ولا البسباس=تهوم الارض ماترثـع بيدهـا فـي عليقتهـا
نلوم كليب واثر العيب كله في عقـل جسـاس=مايـدري هـو يحامـي خالتـه ولا نويقتهـا
هلا بالشاعر الحساس راع الموقع الحساس
وانا الليله تراحيبي جديـدة فـي طريقتهـا
هههههههه
ماتخلي شي يابو عيد
صح لسااااانك مليووون
على هام السحابة طول عمره يشهر القرناس
ولا يأكل من الحرجه ولا يشـرب مريقتهـا
وصح لساااان
عمدة شعرائنا
بهذا المنتدى
مليووووون
محاورة خمس نجوم
ووقفة مربوطة بخمس حرووف
ولااروع،،،، بيض الله وجيهكم 
« آخـــر الـــمـــشـــاركــــات »
29-Apr-2010, 08:12 AM
العرض الشجري