هلا بالشاعر الحساس راع الموقع الحساس =وانا الليله تراحيبي جديدة في طريقتها
ولا ياطول ليلك يارعد لودقت الاجراس =تبا تتعب من الساعة وتتعب من دقيقتها

لعلك للبقا والعلم كله مــــــــع صليب الراس=وكيد ام الكباير ما يطول الا صديقتها
يقولون الرجال السوق في وسطه ذهب ونحاس=وانا اقول المعادن تظهر الشدة حقيقتها

عن اسرار البحر ماني مكذب كلمة الغطاس =يقول الكنز دونه غبةٍ تذبح غريقتها
خبيب الريم جايه ديم مايحتاجله عساس =يسد ام العبيد وبنتها وايضا شقيقتها

اخذ علم العوارف واكتبه بالحبر فالقرطاس=قبل روحك يصافحها الفناء من زود ضيقتها
على هام السحابة طول عمره يشهر القرناس=ولا يأكل من الحرجه ولا يشرب مريقتها

المشاركة الأصلية كتبت بواسطة فواز السعيدي (المشاركة 1034721) طيب طيب /////// ............ صباح المصامخ هههههههههه صح لسانك ياحاكم وصح لسان عمدة الهيلا متابع لين الله يريد

اثر روحك تنفس يارعد وتلاعب الانفاس=ليا سميتها عطني خبر واذبح عقيقتها
علامك تشعم النيران ياللي للقشر مقباس=تبا تشعل حريقتها وانا اطفي حريقتها

انا ابو دباس وانت الليلة اعدك محـــل دباس=احنك من غرابيل الزمان ومن عزيقتها
على شان الحصيل اللي مع الحطاب حبل وفاس=وقدامه جبالً شامخه ماهي مطيقتها